Қазақстан Республикасы
Денсаулық сақтау Министрлігі
Фармацевтикалық бақылау
комитеті Төрағасының
2009 жылғы 18 қыркүйектегі
№ 288 бұйрығымен
бекітілген
Дәрілік заттың медицинада қолданылуы жөніндегі нұсқаулық
Фолий Қышқылы
Саудалық атауы
Фолий қышқылы
Халықаралық патенттелмеген атауы
Фолий қышқылы
Дәрілік түрі
1 мг таблеткалар
Құрамы
Бір таблетканың құрамында
белсенді зат - 1 мг фолий қышқылы
қосымша заттар: лактоза, микрокристалдық целлюлоза, аэросил (кремнийдің қос тотығы), крахмал, магний немесе кальций стеараты.
Сипаттамасы
Бозғылт-сарыдан сары түске дейінгі дөңгелек таблеткалар
Фармакотерапиялық тобы
Анемияға қарсы препараттар. Фолий қышқылы және оның туындылары.
АТЖ коды В03ВВ01
Фармакологиялық қасиеттері
Фармакокинетикасы
Ішке қабылдағаннан кейін фолий қышқылы асқазанда ерекше гликопротеинмен қосыла отырып, он екі елі ішектің жоғарғы бөлігінде сіңеді. Плазма ақуыздарымен толық байланысады. Ең жоғарғы қандағы қанығу деңгейі 30-60 минуттан кейін жетеді. Гемато-энцефаликалық бөгеттен, плацентадан және емшек сүтіне өтеді. Бауырда дигидрофолатредуктаза ферментінің әсер етуімен, тетрагидрофолий қышқылына айнала отырып, белсенділенеді. Өзгермеген түрде және метаболиттер түрінде бүйрек арқылы шығарылады.
Фармакодинамикасы
