Жастарды мемлекеттік қолдау жөніндегі қосымша шаралар туралы
Ақмола облысы әкімдігінің 2009 жылғы 15 маусымдағы № А-6/260 қаулысы
(2009.08.10. берілген өзгерістер мен толықтырулармен)
Ақмола облысы әкімдігінің 2010 жылғы 2 сәуірдегі № а-4/103 Қаулысымен күші жойылды
«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы, «Халықты жұмыспен қамту туралы» 2001 жылғы 23 қаңтардағы Қазақстан Республикасының Заңдарына сәйкес және Қазақстан Республикасы Үкіметінің 2009 жылғы 6 наурыздағы № 264 қаулысымен бекітілген Мемлекет басшысының 2009 жылғы 6 наурыздағы «Дағдарыстан жаңару мен дамуға» атты Қазақстан халқына Жолдауын іске асыру жөніндегі Қазақстан Республикасы Үкіметінің 2009 жылға арналған іс-қимыл жоспарын (Жол картасы) орындау жөніндегі іс-шаралар жоспарын, «Өңірлік жұмыспен қамту және кадрларды қайта даярлау стратегиясын іске асыру үшін облыстық бюджеттерге, Астана және Алматы қалаларының бюджеттеріне аударылатын ағымдағы нысаналы трансферттер мен нысаналы даму трансферттерін пайдалану ережесін бекіту туралы» Қазақстан Республикасы Үкіметінің 2009 жылғы 30 сәуірдегі № 603 қаулысын жүзеге асыру мақсатында облыс әкімдігі ҚАУЛЫ ЕТЕДІ:
1. Жастардың іс-тәжирибесін (бұдан әрі - Жастардың іс-тәжірибесі) ұйымдастыру арқылы Өкілетті органда тіркелген, жоғарғы оқу орындарын, колледждер мен кәсіби лицейлерді бітірушілердің арасынан ауданның (облыстық маңызы бар қаланың) жергілікті атқарушы органымен анықталатын нысаналы топқа кіретін жұмыссыз жастарды әлеуметтік қорғау жөніндегі қосымша шаралар белгіленсін.
