Қазақстан Республикасы

Денсаулық сақтау министрлігі

Фармация комитеті Төрағасының

2007 жылғы 13 қыркүйектегі

№ 161 бұйрығымен бекітілген

Дәрілік затты қолдану жөнінде мамандарға арналған нұсқаулық
Неуробекс®

Саудалық атауы

Неуробекс^®

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар 

Құрамы

Қабықпен қапталған бір таблетканың құрамында

белсенді зат: тиамин нитраті (В1 витамині) 15 мг, пиридоксин гидрохлориді (В6 витамині) 10 мг, цианокобаламин (В12 витамині) 0,02мг

қосалқы заттар: лактоза моногидраты, бидай крахмалы, тальк, магний стеараты, повидон, кремнийдің коллоидты қостотығы.

Қабықтың құрамы:

Целлюлозаның ацетат фталаты, қант, аравиялық камедь (спрей, драй), тальк, макрогол 6000, макрогол  400, глицерин,  Е124 бояуы.

Сипаттама

Дөңгелек, екі жағы дөңестелген, қабықпен қапталған, қызғылт түсті таблеткалар.

Фармакотерапиялық тобы

В1 витамин мен В6 және В12 витаминдердің комбинациясы.

АТС  коды А11DB

Фармакологиялық қасиеттер

Фармакокинетикасы

Препараттың құрамдас бөліктері суда еритін витаминдер болғандықтан, организмде кумуляцияланбайды.

Сіңуі және таралуы

В1 және В6 витаминдері ішектің жоғары бөлімдерінде сіңіп, организмде бірдей таралады. Сіңу дәрежесі дозаға байланысты. В12 витаминінің сіңуі асқазандағы және ішектің жоғарғы бөлігіндегі ішкі фактордың болуымен анықталады. Кейін В12 витаминін тіндерге тасымалдау транскобаламин ІІ тасымалдаушы белокпен атқарылады.

Метаболизм

В1, В6 және В12 витаминдері бауырда метаболизденеді. 

Шығарылуы

В1 және В6 витаминдері бүйрекпен шығарылады (8-10% жуығы - өзгермеген түрде). Артық дозалағанда тиаминнің және пиридоксиннің ішек арқылы шығарылуы жоғарылайды. В12 витамині негізінен өтпен шығарылады, бүйрекпен шығу дәрежесі ауыспалы - 6-дан 30%-ға дейін.

Фармакодинамикасы

Құрамына В тобының витаминдері кіретін үйлескен препарат.