Дәрілік заттың медицинада қолданылуы жөніндегі нұсқаулық «Парацетамол» (Қазақстан Республикасы Денсаулық сақтау министрлігі Фармация комитеті Төрағасының 2008 жылғы 22 тамыздағы № 197 бұйрығымен бекітілген)

Қазақстан Республикасы

Денсаулық сақтау министрлігі

Фармация комитеті Төрағасының

2008 жылғы 22 тамыздағы

№ 197 бұйрығымен бекітілген

Дәрілік заттың медицинада қолданылуы жөніндегі нұсқаулық
Парацетамол

Саудалық атауы

Парацетамол

Халықаралық патенттелмеген атауы

Парацетамол

Дәрілік түрі

200 мг таблеткалар

Құрамы

Бір таблетканың құрамында

белсенді заттар: 200,0 мг парацетамол,

қосалқы заттар: картоп крахмалы, крахмалды патока, стеарин қышқылы.

Сипаттамасы

Жалпақ цилиндр тәрізді, сайы мен сызығы бар ақ немесе крем реңі бар ақ түсті таблеткалар

Фармакотерапиялық тобы

Басқа анальгетиктер мен ыстықты түсіретін дәрілер. Анилиндер.

АТЖ коды  N02BE01

Фармакологиялық қасиеттері

Фармакокинетикасы

Ішу арқылы қабылдаудан кейін негізінен баяу тасымалдану жолымен аш ішекте жылдам сіңеді. 500 мг дозада бір рет қолданғанда қан плазмасындағы барынша жоғары концентрациясына 0,5-2 сағат өткенде жетеді және 16 мкг/мл-ге жуық құрайды, одан кейін біртіндеп төмендей отырып, қабылдаудан кейін 6 сағат өткенде 11-12 мкг/мл деңгейге жетеді. Препаратты көп рет енгізгенде оның фармакокинетикасы өзгермейді. Препараттың жинақталуы орын алмайды.

Қан плазмасында препараттың 10-15% жуығы ақуыздармен байланысқан күйі болады. Гистогематикалық бөгеттер арқылы жақсы өтеді, органдар мен тіндерге біркелкі таралады (май тінін қоспағанда). Гематоэнцефалиялық бөгет, плацента арқылы өтіп, омырау сүтіне түседі (қабылданған дозаның 1% азы). Таралу көлемі (V_d)  0,95 л/кг құрайды.