Қазақстан Республикасы
Индустрия және сауда
Министрінің 2009 жылғы 14 тамыздағы
№ 412-од бұйрығымен
БЕКІТІЛДІ
Қазақстан Республикасы Президентінің «Алтын сапа»
сыйлығын алуға арналған конкурсқа қатысушылар үшін әдістемелік
ұсынымдар
Сыйлық алуға арналған конкурсқа кәсіпорын не үшін қатысады?
Сіздің ұйымыңыз тіпті конкурсқа қатыспай-ақ, сапаны басқаруда қазіргі заманғы тәсілдерді көрсететін өзіндік бағалау бойынша сыйлық критерийлерін қолданудың пайдалы екендігін, кәсіпорынның жұмысын және өнімнің бәсекеге қабілеттілігін жақсартуды біле алады, демек өзінің қаржылық проблемасын шешуде табысты қадам жасай алады.
Сіздің ұжымыңыз арнайы дайындықтан өткен жоғары білікті сарапшылар тарапынан сапа саласындағы қызмет және ұсынымдардың тәуелсіз бағасын алады. Бұл болашақта кәсіпорынның стратегиясын сауатты өңдеуге және табысқа қол жеткізуге көмектеседі. Одан басқа, конкурсқа қатысу ұйым ұжымының назарын сапа мәселесіне аударуға, оларды шешу үшін күштің қарқынын арттыруға мүмкіндік береді
Сіздің кәсіпорын конкурс кезеңінде, ал жеңімпаздар - ол аяқталған соң да бір жыл бойы бұқаралық ақпарат құралдары, билік органдары, қоғам назарында болатын болады, бұның оның беделін арттыруы және жаңа серіктестер, өнімнің жаңа тұтынушыларын тартуға, іскерлік мүмкіндіктерін арттыруға көмегі болатыны сөзсіз.
Сыйлық моделінің негізіне жалпыға бірдей сапа менеджментінің принциптері салынған:
- тұтынушыға бағытталу;
- басшылықтың озық болуы және мақсатқа қол жеткізудегі бірізділік;
- процестер мен фактілерді ұғыну негізіндегі менеджмент;
- персоналды тарту;
- үзіліссіз танымдық қызмет және жаңартулар;
- серіктестікті дамыту;
- қоғаммен өзара қатынас;
- нәтижелерге бағытталу.
1. Қазақстан Республикасы Президентінің «Алтын сапаға» сыйлығының моделі мен критерийлері
