Қазақстан Республикасы Қаржы министрінің
2009 жылғы 24 желтоқсандағы № 574
Бұйрығымен бекітілген
Жер қойнауын пайдалануға арналған
келісім-шартта заттай түрде
белгіленген пайдалы қазбаларды
өндіруге салықтың және шикі мұнай,
газ конденсаты бойынша экспортқа
рента салығының, роялти мен өнімді
бөлу бойынша Қазақстан Республикасының
үлесінің мөлшері және төлеу (беру)
мерзімдері туралы есебіне
(550.00-нысан)
қосымша
Осы редакция 2010 жылғы 30 маусымда енгізілген өзгерістеріне дейін қолданылды
Жер қойнауын пайдалануға арналған келісім-шартта заттай түрде белгіленген пайдалы қазбаларды өндіруге салықтың және шикі мұнай, газ конденсаты бойынша экспортқа рента салығының, роялти мен өнімді бөлу бойынша Қазақстан Республикасының үлесінің мөлшері және төлеу (беру) мерзімдері туралы есепті (есеп) жасау
ережесі
(550.00-нысан)
1. Жалпы ережелер
1. Бұл ережелер «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 346-бабына сәйкес әзірленген және «Жер қойнауын пайдалануға арналған келісім-шартта заттай түрде белгіленген пайдалы қазбаларды өндіруге салықтың және шикі мұнай, газ конденсаты бойынша экспортқа рента салығының, роялти мен өнімді бөлу бойынша Қазақстан Республикасының үлесінің мөлшері және төлеу (беру) мерзімдері туралы есеп (есеп)» (бұдан әрі - Есеп) есептілігінің нысанын жасау тәртібін айқындайды.
2. Бұл Есеп Салық кодексінің 308-бабы 2-тармағында көрсетілген жер қойнауын пайдалануға арналған келісім-шарттармен белгіленген пайдалы қазбаларды өндіру салығын, шикі мұнай мен газ конденсаты бойынша экспортқа рента салығын, роялти мен өнім бөлу бойынша Қазақстан Республикасының үлесін төлеу есебіне пайдалы қазбаларды Қазақстан Республикасына заттай түрде беруді жүзеге асыратын жер қойнауын пайдаланушыларға және мемлекет атынан алушыға арналған.
