2-Қосымша
Қазақстан Республикасы
Президенті Әкімшілігі Басшысының
2009 жылғы 25 желтоқсандағы
№ 01-30.47 бұйрығымен
БЕКІТІЛГЕН
Қазақстан Республикасы Экономикалық қылмысқа және сыбайлас жемқорлыққа
қарсы күрес агенттігінің (қаржы полициясының) 2010-2014 жылдарға арналған
стратегиялық жоспары
Астана, 2009 жыл
1. Қазақстан Республикасы Экономикалық қылмысқа және сыбайлас жемқорлыққа қарсы күрес
агенттігінің (қаржы полициясының) миссиясы мен пайымы
Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясының) миссиясы қоғамдық қатынастардағы сыбайлас жемқорлылық және ел экономикасындағы қылмыстылық деңгейін төмендету болып табылады.
Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясының) пайымы - мемлекеттік аппараттың жүйелік сыбайлас жемқорлықтан арылуы, азаматтардың, кәсіпкерлік субъектілер мен мемлекеттің құқықтары мен мүдделерінің экономикалық құқық бұзушылықтардан сенімді қорғалуы.
Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі
(қаржы полициясы) қызметінің тиісті салаларының ағымдағы ахуалын талдау және даму үрдістері
Қазақстандағы экономикалық қылмысқа және сыбайлас жемқорлыққа қарсы күрес мемлекеттік саясаттың негізгі басымдылығының бірі ретінде белгіленді. Сыбайлас жемқорлық әлеуметтік-экономикалық даму процессін, нарықтық экономика құруды, инвестиция тартуды тежеп, демократиялық мемлекеттің қоғамдық және саяси институттарына келеңсіз әсер етеді, мемлекеттің болашағы үшін қауіп төндіреді.
