Қызылорда облысы, Шиелі аудандық сотының 2010 жылғы 9 қыркүйектегі № 3-916 Қаулысы

Қызылорда облысы, Шиелі аудандық сотының 2010 жылғы 9 қыркүйектегі № 3-916 Қаулысы

Қызылорда облысы, Шиелі аудандық сотының судьясы Ғ.Алмахан, аудан прокурорының аға көмекшісі М.Әлиеваның, құқық бұзушы Т.Аманжоловтың қатысуларымен, аудандық сот залында, құқық бұзушылық жасаған азамат,

Аманжолов Темірғали Әбдіұлы- 26.03.1970-жылы Қызылорда облысында туылған, ұлты қазақ, ҚР азаматы, бойдақ, бұрын әкімгершілік жауапкершілікке тартылған, жеке куәлігі 013070596, СТНН 330820069180, Шиелі ауданы, Жөлек ауылы тұрғыны, әкімшілік істі қазақ тілінде жүргізуді сұраған, қорғаушы көмегін қажет етпеген,

Қазақстан Республикасының Әкімшілік құқық бұзушылық туралы кодексінің 330-бабының 1- бөлігімен жинақталған әкімшілік ісін қарап шығып, АНЫҚТАҒАНЫ:

Құқық бұзушы Аманжолов Темірғали Әбдіұлы 07.09.2010-жылы сағат 11.50-минутта спирттік ішімдік ішкен маскүйінде, Шиелі кенті, Шоқай көшесінің бойында, ортақ пайдалану орнында, имандылыққа нұқсан келтіріп, кіші дәретке шығып, төңірегіндегілерге сыйламаушылық танытып, яғни ол ҚР ӘҚБтК-нің 330-бабының 1-бөлігінде көзделген ұсақ бұзақылықты жасаған.

Құқық бұзушы Аманжолов сотта өз кінәсін толық мойындап, Шиелі кенті, Шоқай көшесінің бойында, кіші дәретке шығып, құқық бұзғанымды толық мойындаймын, іс-әрекетіме шын жүректен қынжыла өкінемін, енді мұндай жағдайлар қайталанбайды, бір білместік болды, кешірім сұраймын деп көрсетті.