Қызылорда облысы, Шиелі аудандық сотының 2010 жылғы 20 қыркүйектегі № 3-943 Қаулысы
Қызылорда облысы, Шиелі аудандық сотының судьясы Ғ.Алмахан, аудан прокурорының аға көмекшісі М.Әлиеваның, құқық бұзушы Д.Ерімбетовтың қатысуларымен, аудандық сот залында, өзінің ашық сот отырысында құқық бұзушылық жасаған азамат:
Ерімбетов Дүйсенбек Сарсенбекұлы- 21.11.1962-жылы Қызылорда облысы, Шиелі ауданында туылған, ұлты қазақ, ҚР азаматы, бойдақ, жұмыссыз, жеке куәлігі 011657289, СТТН 330820302233, бұрын әкімшілік жауапкершілікке тартылған, Шиелі кенті, Аймауытов көшесі №34-үй тұрғыны, әкімшілік істі қазақ тілінде жүргізуді сұраған, қорғаушы көмегін қажет етпеген,
Қазақстан Республикасының Әкімшілік құқық бұзушылық туралы кодексінің 79-5-бабының 2-бөлігімен жинақталған әкімшілік ісін қарап шығып, АНЫҚТАҒАНЫ:
Құқық бұзушы Ерімбетов Дүйсенбек Сарсенбекұлы 16.09.2010-жылы сағат 18.30-минутта, спирттік ішімдік ішкен мас күйінде, өз үйіне барып анасы Ахметова Гүлжаханға сыйламаушылық көрсетіп, былапыт сөйлеп, отбасы-тұрмыстық қатынастар саласындағы құқыққа қарсы бір жыл ішінде қайталап құқық бұзушылыққа барып, яғни ол ҚР ӘҚБтК-нің 79-5-бабының 2-бөлігінде көзделген отбасы-тұрмыстық қатынастар саласындағы құқыққа қарсы іс-әрекеттер жасаған.
