Сотталғанның қызмет өкілеттігін пайда табу және өзі үшін артықшылық алу мақсатында пайдаланып, мемлекетке қасақана зиян келтіргені туралы сот қорытындысы негізсіз
Қазақстан Республикасы Жоғарғы Сотының қылмыстық істер жөніндегі қадағалау сот алқасының 2010 жылғы 28 маусымдағы № 2уп-120-10 Қаулысынан үзінді
Ақтөбе облысы Ойыл аудандық сотының үкімімен,
Ж., бұрын сотталмаған:
- ҚК-нің 307-бабының 1-бөлігімен 1 айлық жалақысы көлемінде 57 322 теңге айыппұл салынып, мемлекет пайдасына 220 940 теңге өндірілген.
Сот үкімімен Ж. Ақтөбе облысының денсаулық сақтау департаменті ММ-нің № 92-Ж-4 бұйрығына сәйкес, мемлекеттік қызметті атқаруға теңестірілген уәкілетті адам ретінде «Ойыл аудандық орталық ауруханасы» мемлекеттік қазыналық коммуналдық кәсіпорынының бас дәрігері қызметіне тағайындалып, қызметтік өкілеттігін пайда табу және өзі үшін артықшылық алу мақсатында қызмет мүдделеріне кереғар пайдаланып, азаматтар мен ұйымның және мемлекеттің заңмен қорғалатын мүдделерін елеулі түрде бұзып, қасақана мемлекетке 220 940 теңге мүліктік зиян келтіргені үшін кінәлі деп танылған.
Ақтөбе облыстық сотының қылмыстық істер жөніндегі алқасының қаулысымен үкім өзгеріссіз қалдырылған.
