Қазақстан Республикасы Туризм және спорт министрлігі мен Украинаның
Отбасы, жастар және спорт істері министрлігі арасындағы дене шынықтыру және спорт
саласындағы ынтымақтастық туралы
келісім
(Киев қ., 2010 жылғы 14 қыркүйекте)
Қол қойылған күнінен бастап күшіне енді
Бұдан әрі «Тараптар» деп аталатын, Қазақстан Республикасы Туризм және спорт министрлігі мен Украинаның Отбасы, жастар және спорт істері министрлігі,
дене шынықтыру және спорт саласындағы ынтымақтастық екі мемлекеттері арасындағы достық байланыстарды дамыту және нығайту үшін маңызды және қажетті элементтердің бірі болып табылатынын мойындай отырып,
Қазақстан Республикасы мен Украина арасындағы өзара қатынастарды кеңейтуге және ықпал жасауға ұмтыла отырып,
төмендегілер туралы келісті:
1-бап
Тараптар осы Келісімнің негізінде және Тараптар мемлекеттерінің ұлттық заңнамасына сәйкес дене шынықтыру және спорт саласындағы ынтымақтастықты дамытуға жәрдемдеседі.
2-бап
Тараптар арасында дене шынықтыру және спорт саласындағы қатынастарды дамытуға Тараптар мыналар арқылы ықпал жасайды:
- дене шынықтыру және спортты дамытуды жетілдіру мақсатында спорт және дене тәрбиесі саласын мемлекеттік басқару органдары арасында ұлттық және өңірлік деңгейлерде тікелей қарым-қатынастар орнату;
- дене шынықтыру оқытушыларын, жаттықтырушыларды, спорт менеджерлерін және әкімшілерді дайындауды жүзеге асыратын жоғары және басқа да оқу орындары арасында қарым-қатынастар орнату;
- дене шынықтыру және спорт саласында ақпаратпен, оқу және әдістемелік әдебиетпен алмасу;
- ұлттық спорт федерациялары мен клубтары арасында тікелей қарым-қатынастар орнату;
- екі мемлекеттің аумағында бірлескен оқу-жаттығу жиындарын өткізу;
