«Мемлекеттік мекемелердің және бюджеттік бағдарламалар әкімшілерінің бюджеттік есептілікті жасау мен ұсынудың ережесін бекіту туралы» Қазақстан Республикасы Қаржы министрінің 2009 жылғы 27 ақпандағы № 89 бұйрығына өзгерістер мен толықтырулар енгізу туралы
Қазақстан Республикасы Қаржы министрінің 2011 жылғы 29 шілдедегі № 387 Бұйрығы
ҚР Қаржы министрінің 2014 жылғы 31 шілдедегі № 324 бұйрығымен күші жойылды
БҰЙЫРАМЫН:
1. «Мемлекеттік мекемелер мен бюджеттік бағдарламалар әкімшілерінің есептілікті жасау мен ұсынудың ережесін бекіту туралы» Қазақстан Республикасы Қаржы министрінің 2009 жылғы 27 ақпандағы № 89 (Нормативтік құқықтық актілерді мемлекеттік тіркеу тізіліміне № 5612 тіркелген, Қазақстан Республикасы орталық атқарушы және ізге де мемлекеттік органдарының нормативтік құқықтық актілері Бюллетені, № 5, 2009 жыл, 344-бап) бұйрығымен енгізілген өзгерістері және толықтыруларымен мынандай өзгерістер мен толықтырулар енгізілсін:
аталған бұйрықпен бекітілген Мемлекеттік мекемелер мен бюджеттік бағдарламалар әкімшілерінің есептілікті жасау мен ұсынудың ережесінде:
7-тармақтың екінші абзацы алып тасталсын;
8-тармақ мынадай редакцияда жазылсын:
«8. Жылдық бюджеттік есептілік есептіліктен кейінгі жылғы 1 қаңтардағы жағдай бойынша 1 қаңтардан бастап 31 желтоқсанға дейінгі күнтізбелік кезеңге жасалады.
Тоқсандық есептілік ағымдағы қаржылық жылғы 1 шілдедегі және 1 қазандағы жағдай бойынша жасалады.
Айлық бюджеттік есептілік есептіліктен кейінгі айдың 1-не жасалады.»;
9-тармақта:
бірінші және екінші абзацтар мынадай редакцияда жазылсын:
«Бюджеттік есептілікті ұсыну мерзімін бюджеттік бағдарламалар әкімшілері үшін бюджетті атқару жөніндегі орталық уәкілетті орган, жергілікті бюджеттік бағдарламалардың әкімшілері үшін - бюджетті атқару жөніндегі жергілікті уәкілетті органдар белгілейді. Мемлекеттік мекемелер бюджеттік есептілікті бюджеттік бағдарламалар әкімшілері белгілеген және олар бюджеттік есептілікті ұсынған күнге дейін мемлекеттік мекемелердің назарына жеткізген мерзімде ұсынады.
Бюджеттік есептілік электронды түрде және қағаз тасығышта атауы бар және беттері нөмірленген тігілген кітап түрінде ұсынылады.»;
