Кыргыз Республикасынын Жогорку Сотунун 2012-жылдын 16-февралындагы № ЭД-281/07.МО токтому
Иш № ЭД-281/07.МО
Көзөмөл өндүрүшү № 06-310/11.ЭД / 6-54/12 ЭД
Кыргыз Республикасынын Жогорку Согунун административдик жана экономикалык иштер боюнча соттук коллегиясынын курамында:
төрагалык кылуучу: Осмоналиев К.Т.,
судьялар: Арстанбаева Д.Э., Алыбаева Н.А.,
сот отурумунун катчысы: Абышев Б.,
тараптар: «Кара-Суу эл базары» жоопкерчилиги чектелген коомунун жетекчиси - М.Усеновдун катышуусу менен,
соттун ачык отурумунда Кара-Суу эл базарынын жетекчиси М.Усеновдун Ош областынын райондор аралык сотунун 2010-жылдын 27-октябрындагы чечимине жана Ош областтык сотунун административдик жана экономикалык иштер боюнча соттук коллегиясынын 2011-жылдын 11-мартындагы аныктамасына карата келтирген көзөмөл даттануусун карап,
Ош областынын райондор аралык сотунун 2010-жылдын 27-октябрындагы чечими менен доо арыз толук канааттандырылган, «Кара-Суу эл базары» мамлекеттик ишканасынан «Биримдик 21 кылым» жоопкерчилиги чектелген коомунун пайдасына 197 525 сом келишим боюнча карыз, андан сырткары 8 401 сом мамлекеттик алым, 100 сом почта чыгымы үчүн, жалпы 206 026 сом өндүрүп алынган. кошумча доо арыз канааттандыруусуз калтырылган, «Биримдик 21 кылым» жоопкерчилиги чектелген коомунан республикалык бюджеттин пайдасына 2 786 сом мамлекеттик алым, 144 сом почта чыгымы үчүн өндүрүп алынган,
(төрагалык кылган: А.Алибаев)
Ош областтык сотунун административдик жана экономикалык иштер боюнча соттук коллегиясынын 2011-жылдын 11-мартындагы аныктамасы менен Ош областынын райондор аралык сотунун 2010-жылдын 27-октябрындагы чечими күчүндө, «Кара-Суу эл базары» ишканасынын башчысы М.Т.Усеновдун кассациялык даттануусу канааттандыруусуз калтырылган, «Кара-Суу эл базары» мамлекеттик ишканасынан 4 200 сом мамлекеттик алым, «Биримдик 21 кылым» жоопкерчилиги чектелген коомунан республикалык бюджеттин пайдасына 1 393 сом мамлекеттик алым өндүрүлгөн,
(төрагалык кылуучу судья: М.Токтомушев, судьялар: К.Кадыров, Ж.Галиева - баяндоочу судья)
Кыргыз Республикасынын Жогорку Сотунун судьясы Н.Алыбаеванын иш боюнча берген баяндамасын угуп, соттук коллегия тапты:
«Биримдик 21-кылым» жоопкерчилиги чектелген ишканасынын жетекчиси А.Уметов сотко «Кара-Суу эл базары» мамлекеттик ишканасынан 197 525 сом карызын өндүрүп берүүнү сурап, тараптардын ортосунда түзүлгөн 2006-жылдын 23-сентябрындагы келишимдин негизинде Кара-Суу базарынын үстүн оңдоп, кайра жабуу жумуштарын жасалгандыгын, анын акысы 323 525 сомду түзгөндүгүн, анын ичинен 126 000 сом төлөнүп берилгендигин, калган 197 525 сом берилбей жаткандыгын белгилеп, көрсөтүлгөн суммадагы акчаны өндүрүп берүүнү сураган.
