Қызылорда облысы Сырдария аудандық сотының 2012 жылғы 9 ақпандағы № 2-52 Бұйрығы

Қызылорда облысы Сырдария аудандық сотының 2012 жылғы 9 ақпандағы № 2-52 Бұйрығы

Қызылорда облысы Сырдария аудандық сотының судьясы Е.Б.Турбаев, өндіріп алушы Сырдария ауданы бойынша салық басқармасының тұрағы Тереңөзек кенті, Қ.Қазантаев көшесі 20 үй, РНН-330600000429, борышкер Ешмаханов Берикбол Ултанбековичтен-10.05.1963 жылы туылған, Сырдария ауданы, Мәлібаев ауылының тұрғыны, РНН-330620074542 мемлекет пайдасына көлік салығы 9891 тенгені және уақытылы төлемегені үшін өсімі 1801 теңгені, барлығы 11692 теңгені өндіруді сұраған арызын қарап,-анықтағаны:

Өндіріп алушы Сырдария ауданы бойынша салық басқармасының борышкер Б.Ешмахановтан жергілікті бюджет пайдасына көлік салығы 9891 тенгені және уақытылы төлемегені үшін өсімі 1801 теңгені, барлығы 11692 теңгені өндіруді сұрап аудандық сотқа арыз берген.

Қазақстан Республикасының «Салық Кодесінің» 24 бабына сәйкес салық төлеушінің салық заңдарына сәйкес мемлекет алдында туындаған міндеттемесі салық міндеттемесі деп танылып, соған сәйкес салық төлеуші салық және бюджетке төленетін басқа да міндетті төлемдерді төлеуге міндетті екендігі көрсетілген.

Қазақстан Республикасының «Салық Кодесінің» 369 бабының 3 бөлігіне сәйкес жеке тұлғалар меншік құқығында 1-қазанға дейін болған көлік құралдары бойынша бюджетке салық төлеуді салық салу объектілерінің тіркелген жері бойынша салық кезеңінің 1-қазанынан кешіктірмей жүргізілетіні көрсетілген.

Алайда борышкердің өз міндеттемесін тиісінше орындамауы салдарынан, 2010 жылға жергілікті салыққа оның ішінде өзінің атындағы «ЗиЛ-130» маркалы, мемлекеттік нөмірі № 273 ВКM санды автокөліктің көлік салығына негізгі қарызы 9891 теңгені төлемеген.