«Құрылыс терминологиясы» және Тұрғын үй-коммуналдық шаруашылықта қолданылатын терминдердің анықтама сөздігі» ҚР ҚНжЕ-ге 1.01-32-2005 толықтырулар енгізу туралы» Қазақстан Республикасы Құрылыс және тұрғын үй-коммуналдық шаруашылық істері агенттігі 2012 жылғы 5 қыркүйектегі № 458 бұйрығы (күші жойылды)

«Құрылыс терминологиясы» және Тұрғын үй-коммуналдық шаруашылықта қолданылатын терминдердің анықтама сөздігі» ҚР ҚНжЕ-ге 1.01-32-2005 толықтырулар енгізу туралы
Қазақстан Республикасы Құрылыс және тұрғын үй-коммуналдық шаруашылық істері агенттігі 2012 жылғы 5 қыркүйектегі № 458 бұйрығы

Сәулет, қала құрылысы, құрылыс және тұрғын үй-коммуналдық шаруашылық саласындағы мемлекеттік нормативтерді жетілдіру мақсатында БҰЙЫРАМЫН:

1. 2012 жылғы 10 қаңтардағы № 4 бұйрықпен бекітілген «Құрылыс терминологиясы» және Тұрғын үй-коммуналдық шаруашылықта қолданылатын терминдердің анықтама сөздігі» ҚР ҚНжЕ 1.01-32-2005 (оның ішінде әліпбилік көрсеткіш), әліпбилік тәртіпте мынадай анықтамалары бар терминдермен толықтырылсын:

«Көп пәтерлі тұрғын ғимарат - екі және одан көп пәтерден тұратын тұрғын ғимарат, онда пәтерден тыс үйге ортақ үй-жайлар мен инженерлік жүйелер болады.

Пәтерлердің қоршаған аумақпен байланыс жүйесінің белгілері бойынша көп пәтерлі тұрғын ғимарат мыналарға бөлінеді:

секциялық;

дәліздік;

галереялық.»;