ҚР Әділет министрінің 2014 жылғы 30 қаңтардағы № 34 бұйрығымен күші жойылды
Қазақстан Республикасы
Әділет министрінің
2012 жылғы 29 қарашадағы
№ 391 бұйрығына
3-қосымша
«Жылжымайтын мүліктің жоқ (бар) екендігі туралы анықтама беру»
мемлекеттік қызмет регламенті
1. Жалпы ережелер
1. Осы «Жылжымайтын мүліктің жоқ (бар) екендігі туралы анықтама беру» емлекеттік қызмет регламенті (бұдан әрі - қызмет) «Әкімшілік рәсімдер туралы» Қазақстан Республикасы Заңының 9-1 бабының 4-тармағына сәйкес әзірленді және аумақтық әділет органдары (бұдан әрі - уәкілетті орган) Халыққа қызмет көрсету орталықтары (бұдан әрі - Орталық) арқылы ұсынады.
2. Қызмет Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген «Жылжымайтын мүліктің жоқ (бар) екендігі туралы анықтамалар беру» мемлекеттік қызмет стандарты (бұдан әрі - Стандарт) негізінде жүзеге асырылады.
3. Қызмет көрсету нысаны: ішінара автоматтандырылған.
4. Қызмет көрсетудің аяқталу нысаны жылжымайтын мүліктің жоқ (бар) екендігі туралы анықтама беру немесе қызмет көрсетуді ұсынудан бас тарту туралы жазбаша дәлелді жауап беру болып табылады.
5. Қызмет ұсыну үдерісіне енгізілген мемлекеттік органдардың және басқа да субъектілердің тізімі:
1) Орталық - құжаттарды қабылдау және жылжымайтын мүліктің жоқ (бар) екендігі туралы анықтама беру немесе қызмет көрсетуді ұсынудан бас тарту туралы жазбаша дәлелді жауап беру болып табылады.
2) Уәкілетті орган - құжаттарды өңдеу.
2. Мемлекеттік қызмет көрсетуге қойылатын талаптар
6. Қызмет көрсету бойынша ақпарат Стандарттың 4-тармағында көрсетілген.
7. Қызмет көрсету мерзімдері Стандарттың 7-тармағында көрсетілген.
8. Қызмет көрсету тегін көрсетіледі.
9. Қызмет алу үшін қызмет алушы Стандарттың 11-тармағында көрсетілген құжаттарды ұсынады.
10. Қызмет қабылдаудан және көрсетуден бас тарту негіздері бойынша Стандарттың 16 тармағында көрсетілген.
