Қазақстан Республикасы Денсаулық сақтау министрінің міндетін атқарушының кейбір бұйрықтарына өзгерістер мен толықтырулар енгізу туралы
Қазақстан Республикасы Денсаулық сақтау министрінің міндетін атқарушының 2013 жылғы 5 тамыздағы № 453 бұйрығы
Осы редакция 2014 жылғы 11 ақпанда енгізілген өзгерістеріне дейін қолданылды
«Әкімшілік рәсімдер туралы» 2000 жылғы 27 қарашадағы Қазақстан Республикасы Заңының 4-бабына және Қазақстан Республикасы Денсаулық сақтау министрлігінің Экономикалық кеңесінің 2013 жылғы 23 шілдедегі № 2 және 2013 жылғы 26 шілдедегі № 3 хаттамаларына сәйкес БҰЙЫРАМЫН:
1. Қазақстан Республикасы Денсаулық сақтау министрінің міндетін атқарушының кейбір бұйрықтарына мынадай өзгерістер мен толықтырулар енгізілсін:
1) «Республикалық бюджеттен қаржыландырылатын медициналық, коммуналдық және өзге де шығыстарға тарифтерді, түзету коэффициенттерін, шығын көлемі және стационарлық және стационарды алмастыратын көмекке арналған медициналық қызметтердің құнын бекіту туралы» Қазақстан Республикасы Денсаулық сақтау министрінің міндетін атқарушының 2013 жылғы 8 қаңтардағы № 11 бұйрығына мынадай өзгерістер мен толықтырулар енгізілсін:
1-тармақ мынадай мазмұндағы 14) және 15) тармақшалармен толықтырылсын:
«14) осы бұйрыққа 18-қосымшаға сәйкес жеке коэффициент қолданылатын медициналық ұйымдардың тізбесі;
15) осы бұйрыққа 19-қосымшаға сәйкес ұйымдастырушылық-әдістемелік жұмыс үшін коэффициент қолданылатын медициналық ұйымдардың тізбесі.»;
8-қосымшада:
3-жолдағы «116 269» деген сандар «124 150» деген сандарға ауыстырылсын;
4-жолдағы «387 509» деген сандар «432 846» деген сандарға ауыстырылсын;
6-жолдағы «240 794» деген сандар «286 761» деген сандарға ауыстырылсын;
10-1 - қосымша алынып тасталсын;
