Ақмола облысы әкімдігінің 2015 жылғы 10 шілдедегі № А-7/328 Қаулысымен күші жойылды
Ақмола облысы әкімдігінің
2014 жылғы 21 сәуірдегі
№ А-4/154 қаулысымен
бекітілді
«Дәрігердің қабылдауына жазылу»
мемлекеттік көрсетілетін қызмет регламенті
1. Жалпы ережелер
1. Мемлекеттік көрсетілетін қызмет мемлекеттік көрсетілетін қызметті алушы немесе оның өкілі көрсетілетін қызметті берушіге тікелей өтініш білдірген немесе телефон арқылы байланысқан кезде алғашқы медициналық-санитариялық көмек көрсететін медициналық ұйымдармен (учаскелік терапевт/учаскелік педиатр/жалпы практика дәрігері) (бұдан әрі - көрсетілетін қызметті беруші), сондай-ақ Қазақстан Республикасының бірыңғай ақпараттық денсаулық сақтау жүйесінің аясында www.egov.kz «электрондық үкімет» веб-порталы (бұдан әрі - портал) арқылы көрсетіледі.
2. Мемлекеттік қызметті көрсетудің нысаны: электрондық (ішінара автоматтандырылған) және (немесе) қағаз түрінде.
3. Мемлекеттік қызметті көрсетудің нәтижесі:
1) көрсетілетін қызметті берушіге тікелей өтініш білдірген немесе телефон арқылы байланысқан кезде - көрсетілетін қызметті беруші дәрігерінің қабылдауына алдын ала жазылу журналында жазылу және одан кейін дәрігерлердің қабылдау кестесіне (бұдан әрі - кесте) сәйкес дәрігердің қабылдайтын күнін, уақытын көрсете отырып, ауызша жауап беру;
2) порталға электрондық форматта өтініш білдірген кезде - нысан бойынша электрондық түрде дәрігердің қабылдауына жазылу туралы анықтама беру, қызметті берушінің электрондық-цифрлық қолтаңбасы (бұдан әрі - ЭЦҚ) Қазақстан Республикасы Үкіметінің 2014 жылғы 20 наурыздағы № 253 қаулысымен бекітілген «Дәрігердің қабылдауына жазылу» мемлекеттік көрсетілетін қызмет Стандартының (бұдан әрі - Стандарт) қосымшасына сәйкес.
Бұл ретте, мемлекеттік қызметті көрсетуге сұраныс қабылданғаннан кейін көрсетілетін қызметті алушыға белгіленген уақыт ішінде медициналық көмек көрсетіледі.
