Кыргыз Республикасынын Экономика министрлигинин Регламентин бекитүү жөнүндө» Кыргыз Республикасынын Экономика министрлигинин 2014-жылдын 28-февралындагы № 26 буйругуна өзгөртүүлөрдү жана толуктоолорду киргизүү тууралуу
Кыргыз Республикасынын Экономика министрлигинин 2014-жылдын 12-сентябрындагы № 148 буйругу
КР Экономика министрлигинин 2016.18.04. № 99 буйругуна ылайык күчүн жоготкон
«Кыргыз Республикасынын Өкмөтүнүн Регламенти жөнүндө» Кыргыз Республикасынын Өкмөтүнүн 2014-жылдын 14-августундагы № 468 токтомуна өзгөртүүлөрдү жана толуктоолорду киргизүү тууралуу буйрук кылам:
1. «Кыргыз Республикасынын Экономика министрлигинин Регламентин бекитүү жөнүндө» Кыргыз Республикасынын Экономика министрлигинин 2014-жылдын 28-февралындагы № 26 буйругуна төмөнкүдөй өзгөртүүлөр жана толуктоолор киргизилсин:
а) 11-пункт төмөнкүдөй редакцияда берилсин:
«Министрдин чет өлкөлүк командировкасы (Кыргыз Республикасынын Өкмөтүнүн чечими делегациялардын курамында барган учурларды кошпогондо) Кыргыз Республикасынын Өкмөтүнүн Аппаратынын тиешелүү түзүмдүк бөлүмүнүн пикирин эске алуу менен, тескөөчү вице-премьер-министрдин макулдугу боюнча Кыргыз Республикасынын Премьер-министринин уруксаты менен жүргүзүлөт.»;
б) 12-пункт төмөнкүдөй редакцияда берилсин:
«Министрдин орун басарларынын чет өлкөлүк командировкалары (Кыргыз Республикасынын Өкмөтүнүн чечими боюнча делегациялардын курамында барган учурларды кошпогондо) Кыргыз Республикасынын Өкмөтүнүн Аппаратынын тиешелүү түзүмдүк бөлүмдөрүнүн пикирин эске алуу менен, тескөөчү вице-премьер-министри же Кыргыз Республикасынын Өкмөтүнүн Аппарат жетекчиси - министри же болбосо анын орун басарлары менен макулдашуу боюнча жана кийин Кыргыз Республикасынын Тышкы иштер министрлигин кабарлоо менен жүргүзүлөт.
