Қазақстан Республикасы Қаржы министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Қаржы министрінің 2015 жылғы 20 қаңтардағы № 37 бұйрығы
ҚР Қаржы министрінің 2025 жылғы 18 сәуірдегі № 180 бұйрығымен күші жойылды
БҰЙЫРАМЫН:
1. Қазақстан Республикасы Қаржы министрінің кейбір бұйрықтарына мынадай өзгерістер мен толықтырулар енгізілсін:
1) «Қазақстан Республикасының Бірыңғай бюджеттік сыныптамасының кейбір мәселелері» туралы Қазақстан Республикасы Қаржы министрінің 2014 жылғы 18 қыркүйектегі № 403 бұйрығына (Нормативтік құқықтық актілерді мемлекеттік тіркеу тізілімінде № 9756 болып тіркелген, «Әділет» ақпараттық-құқықтық жүйесінде 2014 жылғы 17 қазанда жарияланған):
көрсетілген бұйрықпен бекітілген Қазақстан Республикасының Бірыңғай бюджеттік сыныптамасында:
бюджет түсімдерінің жіктемесіне:
«Салықтық түсімдер» 1-санатында:
06 «Халықаралық сауда мен сыртқы операцияларға салынатын салықтар» сыныбында:
«Кеден төлемдер» 1-кіші сыныбында:
01 «Кеден одағында әкелу кедендік баждарын (баламалы қолданылатын өзге де баждар, салықтар мен алымдар) есепке жатқызу мен бөлудің тәртібін белгілеу және қолдану туралы келісімге сәйкес төленген әкелінетін кедендік баждар (баламалы қолданылатын өзге де баждар, салықтар мен алымдар)» ерекшелігі мынадай редакцияда жазылсын:
«01 Еуразиялық экономикалық одақ туралы шартқа сәйкес төленген әкелінетін кедендік баждары (баламалы қолданылатын өзге де баждар, салықтар мен алымдар)»;
мынадай мазмұндағы 13 және 16 ерекшелікпен толықтырылсын:
«13 Армения Республикасымен бөлінген кедендік баждар
16 Армения Республикасынан түскен кедендік баждарды, салықтарды төлеуді қамтамасыз етудің өндіріп алынған сомалар»;
«Халықаралық сауда мен операцияларға салынатын басқа да салықтар» 2-кіші сыныбы:
02 «Арнайы қорғалатын, демпингке қарсы және өтемақы баждары» ерекшелігі мынадай редакцияда жазылсын:
«02 Еуразиялық экономикалық одақ туралы шартқа сәйкес төленген арнайы, демпингке қарсы, өтемақы баждары»;
