«Жоғары және жоғары оқу орнынан кейінгі білім беру бөлігінде тәуекел дәрежесін бағалау өлшемшарттарын және білім беру жүйесіне тексеру парақтарын бекіту туралы» Қазақстан Республикасы Ғылым және жоғары білім министрінің 2022 жылғы 1 желтоқсандағы № 166 және Қазақстан Республикасы Ұлттық экономика министрінің 2022 жылғы 2 желтоқсандағы № 116 бірлескен бұйрығына өзгерістер мен толықтырулар енгізу туралы
Қазақстан Республикасы Ғылым және жоғары білім министрінің 2023 жылғы 26 сәуірдегі № 183 және Қазақстан Республикасы Ұлттық экономика министрінің м.а. 2023 жылғы 26 сәуірдегі № 50 бірлескен бұйрығы
БҰЙЫРАМЫЗ:
1. «Жоғары және жоғары оқу орнынан кейінгі білім беру бөлігінде тәуекел дәрежесін бағалау өлшемшарттарын және білім беру жүйесіне тексеру парақтарын бекіту туралы» Қазақстан Республикасы Ғылым және жоғары білім министрінің 2022 жылғы 1 желтоқсандағы № 166 және Қазақстан Республикасы Ұлттық экономика министрінің 2022 жылғы 2 желтоқсандағы № 116 бірлескен бұйрығына (Нормативтік құқықтық актілерді мемлекеттік тіркеу тізілімінде № 30920 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Жоғары және жоғары оқу орнынан кейінгі білім беру бөлігінде білім беру жүйесінің тәуекел дәрежесін бағалау өлшемшарттарында (бұдан әрі - Өлшемшарттар):
2-тармақ жаңа редакцияда толықтырылсын:
«2. Осы өлшемшарттарында мынадай ұғымдар пайдаланылады:
1) балл - тәуекелді есептеудің сандық өлшемі;
2) бағалау кезеңі - есепті деректер, автоматтандырылған ақпараттық жүйелер мониторингінің нәтижелері негізінде субъективті өлшемшарттар бойынша тәуекелдерді бағалау жүргізілетін белгілі бір уақыт кезеңі;
3) білім беру саласындағы бақылау объектілері - бақылау субъектісінде меншік құқығындағы немесе өзге де заңды негіздегі, мемлекеттік бақылауға жататын мүлік;
4) білім беру саласындағы бақылау субъектілері - қызметіне мемлекеттік бақылау жүзеге асырылатын заңды тұлғалар, оның ішінде заңды тұлғалардың филиалдары мен өкілдіктері;
