«Тұрғын үй-коммуналдық шаруашылық саласындағы нормативтік-техникалық құжаттарды бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2012 жылғы 10 қаңтардағы № 4 бұйрығына өзгерістер енгізу туралы
Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істер комитеті төрағасының 2019 жылғы 6 тамыздағы № 120-нқ бұйрығы
Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген «Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті» республикалық мемлекеттік мекемесі ережесінің 14-тармағының 46) тармақшасына сәйкес БҰЙЫРАМЫН:
1. «Тұрғын үй-коммуналдық шаруашылық сапасындағы нормативтік-техникалық құжаттарды бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2012 жылғы 10 қаңтардағы № 4 бұйрығына мынадай өзгерістер енгізілсін:
көрсетілген бұйрықпен бекітілген «Тұрғын және қоғамдық ғимараттарды қайта жаңарту, күрделі және ағымдағы жөндеу» Қазақстан Республикасының Құрылыс нормаларында 1.04-26-2011:
5.2.16-тармақ мынадай редакцияда жазылсын:
«5.2.16 Күрделі жөндеу жүргізу кезінде, оның ішінде табиғи және техногендік сипаттағы төтенше жағдайлардың салдарын жою кезінде «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 60-бабының 2-тармағында көрсетілген объектілерді қоспағанда, жобалау-сметалық құжаттама әзірленеді.
