«Шалқар аудандық мәслихатының 2023 жылғы 26 желтоқсандағы № 159 «2024-2026 жылдарға арналған Шалқар аудандық бюджетін бекіту туралы» шешіміне өзгерістер енгізу туралы» Ақтөбе облысы Шалқар аудандық мәслихатының 2024 жылғы 26 шілдедегі № 283 шешімі

Шалқар аудандық мәслихатының 2023 жылғы 26 желтоқсандағы № 159 «2024-2026 жылдарға арналған Шалқар аудандық бюджетін бекіту туралы» шешіміне өзгерістер енгізу туралы
Ақтөбе облысы Шалқар аудандық мәслихатының 2024 жылғы 26 шілдедегі № 283 шешімі

Шалқар аудандық мәслихаты ШЕШІМ ҚАБЫЛДАДЫ:

1. Шалқар аудандық мәслихатының 2023 жылғы 26 желтоқсандағы № 159 «2024-2026 жылдарға арналған Шалқар аудандық бюджетін бекіту туралы» шешіміне мынадай өзгерістер енгізілсін:

1 - тармақ жаңа редакцияда жазылсын:

«1. 2024-2026 жылдарға арналған Шалқар аудандық бюджеті тиісінше 1, 2 және 3 қосымшаларға сәйкес, оның ішінде 2024 жылға мынадай көлемдерде бекітілсін:

1) кірістер - 7903526,7 мың теңге, оның ішінде:

салықтық түсімдер - 4382177,0 мың теңге;

салықтық емес түсімдер - 33523,0 мың теңге;

трансферттердің түсімдері - 3487826,7 мың теңге;

2) шығындар - 9072357,4 мың теңге;

3) таза бюджеттік кредиттер - -67676,0 мың теңге, оның ішінде:

бюджеттік кредиттер - 7384,0 мың теңге;

бюджеттік кредиттерді өтеу - 75060,0 мың теңге;

4) қаржы активтерімен жасалатын операциялар бойынша сальдо - 0 теңге, оның ішінде:

қаржы активтерін сатып алу - 0 теңге;

қаржы активтерін сатудан түсетін түсімдер - 0 теңге;

5) бюджет тапшылығы (профициті) - -1101154,7 мың теңге;

6) бюджет тапшылығын қаржыландыру (профицитін пайдалану) - 1101154,7 мың теңге, оның ішінде:

қарыздар түсімі - 7384,0 мың теңге;

қарыздарды өтеу - 75060,0 мың теңге;

бюджет қаражатының пайдаланылатын қалдықтары - 735368,7 мың теңге.»;

6 - тармақ жаңа редакцияда жазылсын:

«6. Аудандық маңызы бар қала және ауылдық округ бюджеттеріне 2024 жылға аудандық бюджеттен берілетін ағымдағы нысаналы трансферттер 1179134,6 мың теңге сомасында 4 - қосымшаға сәйкес бекітілсін.»;

12 - тармақ жаңа редакцияда жазылсын:

«12. 2024 жылға арналған аудандық бюджетке облыстық бюджеттен мынадай нысаналы даму трансферттері түскені ескерілсін:

1) Шалқар ауданы Бегімбет ауылындағы ахаба желілерінің кәріздік-тазарту ғимаратын салуға;

2) Шалқар ауданы Шалқар қаласында кәріздік-тазарту ғимаратын салуға жобалық сметалық құжаттамасын әзірлеуге;