Қазақстан Республикасының Үкіметі мен Қытай Халық Республикасының Үкіметі
арасындағы техникалық-экономикалық ынтымақтастық туралы
келісім
(Астана қ., 2024 жыл 3 шілде)
ҚР Үкіметінің 2024 жылғы 20 желтоқсандағы № 1086 Қаулысымен бекітілді
Қазақстан Республикасының Үкіметі мен Қытай Халық Республикасының Үкіметі арасындағы техникалық-экономикалық ынтымақтастық туралы келісім
Бұдан әрі Тараптар деп аталатын Қазақстан Республикасының Үкіметі мен Қытай Халық Республикасының Үкіметі Тараптар 2023 жылғы 17 мамырда қол қойған Қазақстан Республикасының Үкіметі мен Қытай Халық Республикасының Үкіметі арасындағы техникалық-экономикалық ынтымақтастық туралы өзара түсіністік жөніндегі меморандумды іске асыру, сондай-ақ екі ел арасындағы достық қатынастар мен техникалық-экономикалық ынтымақтастықты одан әрі дамыту мақсатында төмендегілер туралы келісті:
1-бап
Қазақстан Республикасы Үкіметінің сұрау салуына сәйкес Қытай Халық Республикасының Үкіметі Қазақстан Республикасының Үкіметіне техникалық-экономикалық ынтымақтастық шеңберінде екі Тарап келіскен жобаларға пайдаланылатын 100000000 (бір жүз миллион) юань мөлшерінде өтеусіз көмек көрсетеді.
