Қазақстан Республикасы
Әділет министрінің
2024 жылғы 23 қаңтардағы
№ 60 бұйрығына
4-қосымша
«Есірткі құралдары, психотроптық заттар,
олардың аналогтары мен прекурсорлардың сот сараптамасы»
кәсіптік стандарты
1-тарау. Жалпы ережелер
1. «Кәсіптік біліктілік туралы» Қазақстан Республикасы Заңының 5-бабының 5-тармағына сәйкес «Есірткі құралдарының, психотроптық заттардың, олардың аналогтары мен прекурсорлардың сот сараптамасы» кәсіптік стандарты әзірленді, ол есірткі құралдары, психотроптық заттар, олардың аналогтары мен прекурсорлардың сот сараптамасын жүргізу жөніндегі сот сарапшысының біліктілік, құзыреттілік деңгейіне, еңбек мазмұнына, сапасына және жағдайларына қойылатын талаптарды айқындауға арналған және сот-сараптама қызметі саласында қолданылады.
2. Осы кәсіптік стандартта мынадай терминдер мен анықтамалар қолданылады:
1) білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;
2) дағды - кәсіптік міндетті толығымен орындауға мүмкіндік беретін білім мен машықты қолдану қабілеті;
3) есірткі құралдарын, психотроптық заттарды, олардың аналогтары мен прекурсорларын сот-сараптамалық зерттеу мәні - зерттеудің осы түрінің объектілерінің қасиеттерін, ерекшеліктерін, дайындау технологиясын айқындау мақсатында сот сараптамасы, биология, химия және басқа да ғылымдар саласындағы арнайы ғылыми білімдер негізінде нақты деректерді анықтау;
