«ПетроҚазақстан Ойл Продактс» жауапкершілігі шектеулі серіктестігіне қоғамдық сервитут белгілеу туралы
Шымкент қаласы әкімдігінің 2025 жылғы 1 сәуірдегі № 1545 Қаулысы
Қазақстан Республикасының Жер Кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына сәйкес, заңды тұлғаның өтініші негізінде, Шымкент қаласының әкімдігі ҚАУЛЫ ЕТЕДІ:
1. «ПетроҚазақстан Ойл Продактс» жауапкершілігі шектеулі серіктестігіне Шымкент қаласы, Еңбекші ауданы аумағында орналасқан Бадам су қоймасының жер үсті суларынан баламалы сумен жабдықтау көзімен қамтамасыз ету үшін алаңы 20,1 га жер учаскесіне меншік иелері мен жер пайдаланушылардан алып қоймай 2030 жылдың 13 наурызына дейін қоғамдық сервитут белгіленсін:
«ПетроҚазақстан Ойл Продактс» жауапкершілігі шектеулі серіктестігі 10 жұмыс күн мерзім ішінде 2025-2026 жылдарға арналған сервитут құны 1 382 880 (бір миллион үш жүз сексен екі мың сегіз жүз сексен) теңгені жыл сайын өзгерістерге сәйкес Шымкент қаласының мемлекеттік кірістер басқармасының 201910 есеп шотына аударсын.
2. «Шымкент қаласының жер қатынастары басқармасы» мемлекеттік мекемесі осы қаулыдан туындайтын шараларды қабылдасын.
3. Осы қаулының орындалуын бақылау Шымкент қаласы әкімінің бірінші орынбасары Қ. Асыловқа жүктелсін.
4. Осы қаулы оның алғашқы ресми жарияланған күнінен бастап қолданысқа енгізіледі.
