Осы редакция 2017 жылғы 13 қаңтарда енгізілген өзгерістеріне дейін қолданылды
Қазақстан Республикасы
Әділет министрі
міндетін атқарушысының
2015 жылғы 29 мамырдағы
№ 304 бұйрығына
3-қосымша
«Патенттiк сенiм бiлдiрiлген өкiлдердi аттестаттау»
мемлекеттік көрсетілетін қызмет регламенті
1. Жалпы ережелер
1. Аталған «Патенттік сенім білдірілген өкілдерді аттестаттау» мемлекеттік көрсетілетін қызмет регламенті Қазақстан Республикасы Әділет министрлігі (бұдан әрі - көрсетілетін қызметті беруші), оның ішінде «электрондық үкімет» веб-порталы www.egov.kz және «е-лицензиялау»: www.elicense.kz (бұдан әрі - портал) арқылы жүзеге асырылады.
Мемлекеттік көрсетілетін қызмет Қазақстан Республикасы Әділет министрінің 2015 жылғы 30 сәуірдегі № 251 бұйрығымен бекітілген «Патенттік сенім білдірілген өкілдерді аттестаттау» туралы мемлекеттік көрсетілетін қызмет стандарты (бұдан әрі - стандарт) негізінде көрсетіледі (нормативтік құқықтық актілерді мемлекеттік тіркеу тізілімінде № 11407 болып тіркелген).
2. Мемлекеттік қызмет көрсету нысаны - электрондық (ішінара автоматтандырылған) және (немесе) қағаз жүзінде.
3. Мемлекеттік қызмет көрсету нәтижесі - аттестаттау емтиханын тапсыру қорытындылары бойынша оң шешім және қағаз жеткізгіште берілетін патенттік сенім білдірілген өкілді тіркеу туралы куәлікті беру не осы мемлекеттік көрсетілетін қызмет стандартының 10-тармағында көзделген жағдайларда және негіздер бойынша мемлекеттік қызмет көрсетуден бас тарту туралы дәлелді жауап.
Қызмет алушы мемлекеттік көрсетілетін қызметтің нәтижесіне қағаз жүзінде жүгінген жағдайда, мемлекеттік көрсетілген қызметтің нәтижесі электронды нысанда рәсімделіп қызмет берушінің мөрі және қолымен куәландырылып басып шығарылады. өтінім берушіге
