Қазақстан Республикасы
Ғылым және жоғары білім
министрінің
2024 жылғы 27 қыркүйектегі
№ 464 бұйрығына 11-қосымша
Вирусқа қарсы бақылауды ұйымдастыру
қағидалары
1 тарау. Жалпы ережелер
1. Осы вирусқа қарсы бақылауды ұйымдастыру қағидалары (бұдан әрі-қағидалар) ҚР СТ ИСО/МЭК 17799-2006 «Қорғауды қамтамасыз ету әдістері. Ақпаратты қорғауды басқару жөніндегі қағидалар жинағы» және ҚР СТ 27001-2006 қауіпсіздікті қамтамасыз ету әдістері мен құралдары. Қазақстан Республикасы Ғылым және жоғары білім министрлігінің және оның ведомстволарының (бұдан әрі - Министрлік) ақпараттық жүйелері үшін компьютерлік зиянды бағдарламалық қамтамасыз етудің қиратушы әсерінен вирусқа қарсы бақылауды ұйымдастыруға қойылатын талаптарды айқындайды және Министрліктің есептеу желісінің ақпараттық ресурстарына қосылған есептеу техникасы құралдарын (бұдан әрі - ЕТҚ) пайдаланушылардың жауапкершілігін белгілейді.
2. Зиянды бағдарламалық қамтамасыз етуден қорғау вирусқа қарсы құралдарды пайдалану арқылы Министрліктің ақпараттық жүйелері мен ресурстарына зиянды бағдарламалық қамтамасыз етудің (бұдан әрі - вирустар) енуін болдырмауды қамтамасыз ететін іс-қимылдарды білдіреді.
2 тарау. Зиянды бағдарламалық қамтылымның енуінен бақылау жүргізу тәртібі
3. Вирустардың енуін болдырмау жөніндегі ақпараттық қауіпсіздік, мемлекеттік құпияларды қорғау және жұмылдыру жұмысы департаменті (бұдан әрі - АҚМҚҚЖЖД) мынадай шараларды қабылдайды:
1) лицензиялық вирусқа қарсы құралдарды ғана пайдалануға жол беріледі;
2) техникалық қызмет көрсету қызметі (бұдан әрі - ТҚҚ) вирусқа қарсы бағдарламалық құралдарды барлық компьютерлер мен корпоративтік (ішкі және сыртқы) есептеу желісінің серверлеріне баптаулардың парольдік қорғанысын пайдалана отырып орнатады;
3) пайдаланушылар вирусқа қарсы бағдарламалық қамтамасыз етуді өз бетінше ажыратпауы және параметрлерін өзгертпеуі тиіс;
