«Өсімдіктер карантині саласындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Ауыл шаруашылығы министрінің 2015 жылғы 28 желтоқсандағы № 15-05/1138 және Қазақстан Республикасы Ұлттық экономика министрінің 2015 жылғы 29 желтоқсандағы № 819 бірлескен бұйрығына өзгерістер мен толықтыру енгізу туралы
Қазақстан Республикасы Ауыл шаруашылығы министрінің м.а. 2024 жылғы 28 маусымдағы № 232 және Қазақстан Республикасы Премьер-Министрінің орынбасары - Ұлттық экономика министрінің 2024 жылғы 29 маусымдағы № 57 бірлескен бұйрығы
БҰЙЫРАМЫЗ:
«Өсімдіктер карантині саласындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Ауыл шаруашылығы министрінің 2015 жылғы 28 желтоқсандағы № 15-05/1138 және Қазақстан Республикасы Ұлттық экономика министрінің 2015 жылғы 29 желтоқсандағы № 819 бірлескен бұйрығына (Нормативтік құқықтық актілерді мемлекеттік тіркеу тізілімінде № 12740 болып тіркелген) мынадай өзгерістер мен толықтыру енгізілсін:
көрсетілген бірлескен бұйрықпен бекітілген Өсімдіктер карантині саласындағы тәуекел дәрежесін бағалау өлшемшарттарында:
мынадай мазмұндағы 4-тараумен толықтырылсын:
«4-тарау. Өсімдіктер карантині саласындағы жедел ден қою шаралары
23. Осы өлшемшарттар шеңберінде қолданылатын жедел ден қою шараларына:
1) карантинге жатқызылған өнімді (оның ішінде почта жөнелтілімдерінен, қол жүгінен және багаждан) алып қою немесе карантинге жатқызылған өнімді қайтару;
2) қызметті немесе оның жекелеген түрлерін тоқтата тұру.
24. Осы бірлескен бұйрыққа 2-қосымшаның 13 және 14-тармақтарында көрсетілген талаптарды бұзу карантинге жатқызылған өнімді (оның ішінде почта жөнелтілімдерінен, қол жүгінен және багаждан) алып қою немесе карантинге жатқызылған өнімді қайтару түрінде жедел ден қою шараларын қолдану үшін негіз болып табылады.
