«Ішкі аудит қызметтері жұмысының тиімділігін бағалау» ішкі мемлекеттік аудиттің және қаржылық бақылаудың рәсімдік стандартын бекіту туралы» Қазақстан Республикасы Қаржы министрінің міндетін атқарушының 2018 жылғы 20 сәуірдегі № 480 бұйрығына өзгерістер енгізу туралы
Қазақстан Республикасы Қаржы министрінің м.а. 2022 жылғы 30 желтоқсандағы № 1346 бұйрығы
БҰЙЫРАМЫН:
1. «Ішкі аудит қызметтері жұмысының тиімділігін бағалау» ішкі мемлекеттік аудиттің және қаржылық бақылаудың рәсімдік стандартын бекіту туралы» Қазақстан Республикасы Қаржы министрінің міндетін атқарушының 2018 жылғы 20 сәуірдегі № 480 бұйрығына (Нормативтік құқықтық актілерді мемлекеттік тіркеу тізілімінде № 16878 болып тіркелген) мынадай өзгерістер енгізілсін:
көрсетілген бұйрықпен бекітілген «Ішкі аудит қызметтері жұмысының тиімділігін бағалау» ішкі мемлекеттік аудиттің және қаржылық бақылаудың рәсімдік стандартында:
5-тармақ мынадай редакцияда жазылсын:
«5. ІАҚ жұмысының тиімділігін бағалау:
ІАҚ жүргізетін бағалау;
ішкі мемлекеттік аудит және қаржылық бақылау жөніндегі уәкілетті орган жүргізетін бағалау (бұдан әрі – уәкілетті органның бағалауы).
Мемлекеттік орган екінші жартыжылдықта қайта ұйымдастырылған, не құрылған жағдайда, осы мемлекеттік органда құрылған Ішкі аудит қызметі бағалауға жатпайды.»;
7-тармақ мынадай редакцияда жазылсын:
«7. ІАҚ жүргізетін бағалауын аудиторлық іс-шара жүргізуге аудиторлық тапсырмалар (бұдан әрі – аудиторлық тапсырма) негізінде ІАҚ жұмысын мониторингілеу және ІАҚ мемлекеттік аудиторлары жұмысының тиімділігін жылдық бағалау арқылы жыл сайын ІАҚ басшысы не оны ауыстыратын тұлға жүзеге асырады.»;
9-тармақтың бірінші абзацы мынадай редакцияда жазылсын;
«9. ІАҚ мемлекеттік аудиторлары жұмысының тиімділігін жылдық бағалауы:»;
17 және 18-тармақтар мынадай редакцияда жазылсын:
«17. Уәкілетті орган жүргізетін бағалау мынадай тәсілдермен жүзеге асырылады:
жыл қорытындылары бойынша камералдық тәртіппен (бұдан әрі – камералдық тәртіппен бағалау);
