Осы редакция 2016 жылғы 16 ақпанда енгізілген өзгерістеріне дейін қолданылды
Павлодар облысы әкімдігінің
2015 жылғы 24 сәуірдегі
№ 111/4 қаулысымен
бекітілді
«Іздестіру қызметіне лицензия беру»
мемлекеттік көрсетілетін қызмет регламенті
1. Жалпы ережелер
1. Көрсетілетін қызметті берушінің атауы: «Павлодар облысының мемлекеттік сәулет-құрылыс бақылау басқармасы» мемлекеттік мекемесі (бұдан әрі - көрсетілетін қызметті беруші) мемлекеттік қызмет көрсетуді Қазақстан Республикасы Инвестициялар және даму министрлігінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - орталық) арқылы, сондай-ақ www.egov.kz «электрондық үкімет» веб-порталы немесе www.elicense.kz «Е-лицензиялау» веб-порталы (бұдан әрі - портал) арқылы көрсетеді.
2. Мемлекеттік қызмет көрсету нысаны - электрондық (ішінара автоматтандырылған) және (немесе) қағаз түрінде.
3. Порталда, электрондық құжат нысанында, көрсетілетін қызметті берушінің уәкілетті тұлғасының электрондық цифрлық қолтаңбасымен (бұдан әрі - ЭЦҚ) қол қойылған құрылыс-монтаждау жұмыстарына лицензияны беру, лицензияны қайта ресімдеу, лицензияның телнұсқасын беру немесе өтінішті электрондық түрде берген жағдайда, электрондық құжат нысанында немесе өтінішті қағаз түрінде берген жағдайда, қағаз тасымалдағышта мемлекеттік қызмет көрсетуден бас тарту туралы дәлелді жауап мемлекеттік көрсетілетін қызметтің нәтижесі болып табылады. Көрсетілетін қызметті алушы лицензияны алуға, лицензияны қайта ресімдеуге және лицензияның телнұсқасын беруге қағаз тасымалдағышта жүгінген жағдайда, көрсетілетін қызмет нәтижесі электрондық форматта ресімделеді, басып шығарылады және көрсетілетін қызметті берушінің уәкілетті тұлғасының мөрімен және қолымен расталады.
2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимылы тәртібін сипаттау
