Қазақстан Республикасы
Әділет министрінің
2024 жылғы 23 қаңтардағы
№ 60 бұйрығына
13-қосымша
«Металдар мен қорытпаларды сот-сараптамалық зерттеу»
кәсіптік стандарты
1-тарау. Жалпы ережелер
1. «Кәсіптік біліктілік туралы» Қазақстан Республикасы Заңының 5-бабының 5-тармағына сәйкес «Металдар мен қорытпаларды сот-сараптамалық зерттеу» кәсіптік стандарты әзірленді, ол еталдар мен қорытпаларды сот-сараптамалық зерттеу жүргізу жөніндегі сот сарапшысының біліктілік, құзыреттілік деңгейіне, еңбек мазмұнына, сапасына және жағдайларына қойылатын талаптарды айқындауға арналған және сот-сараптама қызметі саласында қолданылады.
2. Осы кәсіптік стандартта мынадай терминдер мен анықтамалар қолданылады:
1) білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;
2) дағды - кәсіптік міндетті толығымен орындауға мүмкіндік беретін білім мен машықты қолдану қабілеті;
3) жазба - қол жеткізілген нәтижелер туралы мәліметтерді қамтитын құжат немесе жүзеге асырылған қызметтің расталуы верификацияның, ескертуші және түзетуші әрекеттердің жүргізілуінің куәлігін ұсыну және қадағалауын рәсімдеу үшін;
4) металдар мен қорытпаларды сот-сараптамалық зерттеудің міндеттері - металл қорытпаларындағы химиялық элементтердің сапалық және сандық құрамын анықтау; металдар мен қорытпалардың жіктелуін анықтау; бұйымдар жасалған қорытпаның маркасын айқындау; зерттелетін объектілерде дайындалған жері бойынша шығу тегінің бірыңғай көзі, шығарудың бірыңғай партиясының тиесілігі туралы куәландыратын белгілерді анықтау;
5) металдар мен қорытпаларды сот-сараптамалық зерттеу объектілері - металдар мен қорытпалардан жасалған бұйымдар;
6) металдар мен қорытпаларды сот-сараптамалық зерттеудің мәні - металдар мен қорытпалардың табиғатын, жіктелуін, олардың шығу көзін көрсететін нақты жағдайларды анықтау.
3. Осы кәсіптік стандартта мынадай қысқартулар қолданылады:
БТБА - Жұмысшылардың жұмыстары мен кәсіптерінің Бірыңғай тарифтік-біліктілік анықтамалығы;
БА - Біліктілік анықтамалығы;
