14.08.2023
Өз тіліңді құрметте
Ақмола облысы
Көкшетау қаласының мамандандырылған тергеу сотының
судьясы Абзал Өміртайұлы Балабеков
«Қанша елдің тілін білсең, сонша түрлі ілім білесің»... Өзге тілдің бәрін біл, өз тіліңді құрметте...
Қазақ тілі-дүниедегі ең шұрайлы, кестелі тілдің бірі деп санаймыз. Қазақ тілі - өте бай тілі. Қазақ халқының бойына сіңген ата-бабаларымыздың тәлім – тәрбиесі, үлгі – өнегесі, біздің осындай деңгейімізге келгеніне, үлкен үлес қосқаны байқалатыны анық.
Тіл туралы заңымыздың қағаз жүзінде қалмай, өмірінде нық қадам басып, ғұмыры ұзақ болуы үшін күресе білейік те намысты қолдан бермейік.
Қазақ тілінің мәртебесін арттыру - біздің міндетіміз.
Сондықтан ең бастысы - өзіміз тілімізді құрметтеп сыйлауымыз керек, ана тіліне жай көңіл бөліп қана қоймай, одан әрі қарай жетілуіне заң жүзінде дамуына үлесімізді қосу және ана тілінде іс қағаздарын жүргізуді дамытуды қалыптастыруға күш салу қажет.
Тілді меңгеруге кәсіби курстар ұйымдастырылып, өткізіліп келеді, осы бағыттағы жұмыстарды жалғастыру маңызды. Сұраныс бар.Тілді дамытуға қажетті қаржы да мемлекет тарапынан бөлініп отырады. Бұл да керемет мүмкіндік.
Айтып өткендей тілді үйрену, сөздік қорды кеңейтуге қазіргі таңда мүмкіндіктер де көп, заманауи технологиялар, онлайн білім алу, онлайн сөздіктер барлығы тілдің қолданылуын жақсартуға үлкен мүмкіндік деп санаймын. Тілді таза ұстауды приоритетті бағыт деп тану, болашақ ұрпақ алдындағы жауапкершіліктің бірі.
Ана тілін білмеген ақылы жоқ желік бас. Ана тілін-сүймеген халқын сүйіп жарытпас деген сөзде де терең мағына жатыр емес пе. Бірақ қазақ тілі-тек қазақ халқының тілі емес, мемлекеттік тіл ортақ тіліміз екен ұмытпағанымыз жөн болар.
Қазақстанда тұратын оны Отаным деп қабылдайтын, өзін Қазақстанның патриоты деп есептейтін азаматтарының тілі.
