«Өрт қауіпсіздігі және азаматтық қорғаныс саласындағы тәуекел дәрежесін бағалау өлшемшарттары мен тексеру парақтарын бекіту туралы» Қазақстан Республикасы Ішкі істер министрінің 2018 жылғы 30 қазандағы № 758 және Қазақстан Республикасы Ұлттық экономика министрінің 2018 жылғы 30 қазандағы № 31 бірлескен бұйрығына өзгерістер енгізу туралы
Қазақстан Республикасы Төтенше жағдайлар министрінің 2021 жылғы 25 мамырдағы № 233 және Қазақстан Республикасы Ұлттық экономика министрінің 2021 жылғы 27 мамырда № 54 бірлескен бұйрығы
2015 жылғы 29 қазандағы Қазақстан Республикасының Кәсіпкерлік кодексінің 143-бабы 1-тармағына сәйкес БҰЙЫРАМЫЗ:
1. «Өрт қауіпсіздігі және азаматтық қорғаныс саласындағы тәуекел дәрежесін бағалау өлшемшарттары мен тексеру парақтарын бекіту туралы» Қазақстан Республикасы Ішкі істер министрінің 2018 жылғы 30 қазандағы № 758 және Қазақстан Республикасы Ұлттық экономика министрінің 2018 жылғы 30 қазандағы № 31 бірлескен бұйрығына (Нормативтік құқықтық актілерді мемлекеттік тіркеу тізілімінде № 17647 болып тіркелген, 2018 жылы 15 қарашада Қазақстан Республикасы нормативтік құқықтық актілерінің эталондық бақылау банкінде жарияланған) мынадай өзгерістер енгізілсін:
көрсетілген бірлескен бұйрықпен бекітілген Өрт қауіпсіздігі саласындағы тексерулер жүргізудің ерекше тәртібі үшін қолданылатын тәуекел дәрежесін бағалау өлшемшарттарында:
4-тармақта:
6) тармақша мынадай редакцияда жазылсын:
«6) Қазақстан Республикасы ішкі істер, ұлттық қауіпсіздік, қорғаныс органдарының, Мемлекеттік күзет қызметінің объектілері;»;
подпункт 14) изложить в следующей редакции:
14) тармақша мынадай редакцияда жазылсын:
«14) газ қоймалары, газгольдерлік, газ айдау және газ толтыру станциялары;»;
26) тармақша мынадай редакцияда жазылсын:
«26) құрылыстарының жалпы ауданы 500 және одан астам шаршы метр - архивтер, кітапханалар»;
