Астана қаласы әкімдігінің
2016 жылғы 29 тамыздағы
№ 106-1551 қаулысына
7-қосымша
Нұр-Сұлтан қаласы әкімдігінің 2021 жылғы 15 ақпандағы № 106-458 Қаулысымен күші жойылды
«Наркологиялық ұйымнан анықтама беру»
мемлекеттік көрсетілетін қызмет регламенті
1. Жалпы ережелер
1. «Наркологиялық ұйымнан анықтама беру» мемлекеттік көрсетілетін қызметті (бұдан әрі - мемлекеттік көрсетілетін қызмет) регламенті «Денсаулық сақтау саласындағы мемлекеттік қызметтер стандарттарын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен (Нормативтік құқықтық актілері мемлекеттік тіркеу тізілімінде № 11304 болып тіркелген) бекітілген «Наркологиялық ұйымнан анықтама беру» мемлекеттік көрсетілетін қызмет стандартының (бұдан әрі - Стандарт) негізінде Астана қаласы әкімдігінің шаруашылық жүргізу құқығындағы «Наркология және психотерапия орталығы» мемлекеттік коммуналдық кәсіпорнымен (бұдан әрі - көрсетілетін қызметті беруші) және «Азаматтарға арналған үкімет» мемлекеттік корпорациясы» коммерциялық емес акционерлік қоғамы Астана қаласы бойынша филиалы «Халыққа қызмет көрсету орталығы» департаментінің Мамандандырылған бөлімімен (бұдан әрі - Мемлекеттік корпорацияның мамандандырылған бөлімі) көрсетіледі.
Өтініштерді қабылдау және мемлекеттік қызметті көрсету нәтижесін беру:
1) көрсетілетін қызметті беруші;
2) Мемлекеттік корпорацияның мамандандырылған бөлімі арқылы жүзеге асырылады.
2. Көрсетілетін мемлекеттік қызметтің нысаны - қағаз түрінде.
3. Мемлекеттік қызмет көрсетудің нәтижесі:
Мемлекеттік корпорацияның мамандандырылған бөлімінде - диспансерлік есепте тұрғаны/тұрмағаны туралы анықтаманы беру;
көрсетілетін қызметті берушіде - диспансерлік есепте тұрғаны/тұрмағаны туралы анықтаманы беру.
