Алматы облысы әкімдігінің 2019 жылғы 28 қаңтардағы «Денсаулық сақтау саласындағы мемлекеттік көрсетілетін қызметтер регламенттерін бекіту туралы» № 43 қаулысына өзгерістер мен толықтырулар енгізу туралы
Алматы облысы әкімдігінің 2019 жылғы 8 қазандағы № 434 Қаулысы
Алматы облысы әкімдігінің 2020 жылғы 31 қаңтардағы № 35 Қаулысымен күші жойылды
«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 16-бабының 1-тармағына, «Денсаулық сақтау саласындағы мемлекеттік көрсетілетін қызметтер стандарттарын бекіту туралы» 2015 жылғы 27 сәуірдегі № 272 Қазақстан Республикасы Денсаулық сақтау және әлеуметтік даму министрінің бұйрығына (Нормативтік құқықтық актілерді мемлекеттік тіркеу тізілімінде № 11304 тіркелген) сәйкес Алматы облысының әкімдігі ҚАУЛЫ ЕТЕДІ:
1. Алматы облысы әкімдігінің «Денсаулық сақтау саласындағы мемлекеттік көрсетілетін қызметтер регламенттерін бекіту туралы» 2019 жылғы 28 қаңтардағы № 43 (Нормативтік құқықтық актілерді мемлекеттік тіркеу тізілімінде № 5055 тіркелген, 2019 жылдың 28 ақпанында Қазақстан Республикасы нормативтік құқықтық актілерінің эталондық бақылау банкінде жарияланған) қаулысына келесі өзгерістер мен толықтырулар енгізілсін:
1-тармақ келесі редакцияда жазылсын:
«1. Мемлекеттік көрсетілетін қызмет регламенттері:
1) «Дәрігерді үйге шақыру» осы қаулының 1-қосымшасына сәйкес;
2) «Дәрігердің қабылдауына жазылу» осы қаулының 2-қосымшасына сәйкес;
3) «Алғашқы медициналық-санитариялық көмек көрсететін медициналық ұйымдарға тіркелу» осы қаулының 3-қосымшасына сәйкес;
4) «АИТВ-инфекциясының болуына ерікті анонимді және міндетті құпия медициналық тексерілу» осы қаулының 4-қосымшасына сәйкес;
5) «Туберкулезге қарсы ұйымнан анықтама беру» осы қаулының 5-қосымшасына сәйкес;
6) «Психоневрологиялық ұйымнан анықтама беру» осы қаулының 6-қосымшасына сәйкес;
7) «Наркологиялық ұйымнан анықтама беру» осы қаулының 7-қосымшасына сәйкес;
