ҚАЗАҚСТАН РЕСПУБЛИКАСЫ ПАРЛАМЕНТІНІҢ МӘЖІЛІСІ
(Алтыншы сайланымның үшінші сессиясы)
Стенограмма заседания Мажилиса Парламента Республики Казахстан
(13 сентября 2017 года)
2017 жылғы 13 қыркүйек
ҚАЗАҚСТАН РЕСПУБЛИКАСЫ ПАРЛАМЕНТІНІҢ БАСЫЛЫМЫ
Астана-2017
ҚАЗАҚСТАН РЕСПУБЛИКАСЫ ПАРЛАМЕНТІ МӘЖІЛІСІНІҢ
ЖАЛПЫ ОТЫРЫСЫ
2017 жылғы 13 қыркүйек
Отырысты Қазақстан Республикасы Парламенті Мәжілісінің Төрағасы Н.З. НЫҒМАТУЛИН жүргізді.
ТӨРАҒА. Қайырлы күн, кұрметті депутаттар! Баршаңызды тіркеуден өтулеріңізді сұраймын. Доброе утро, уважаемые коллеги! Прошу всех вас пройти процедуру регистрации. Тіркеу режимі қосылсын.
Жұмысымызды бастау үшін қажетті кворум бар. Мәжілістің жалпы отырысын ашық деп жариялаймын.
Құрметті әріптестер, күн тәртібінің жобасы сіздерде бар. Сол бойынша сұрақтарыңыз бар ма?
ОРНЫНАН. Жоқ.
ТӨРАҒА. Онда күн тәртібі бойынша дауыс берулеріңізді сұраймын.
Нәтижесін экранға беріңіздер. Күн тәртібі бекітілді.
Құрметті депутаттар, енді күн тәртібіндегі мәселелерді қарауға көшеміз.
Бірінші мәселе - «Қазақстан Республикасы Үкіметі мен Грузия Үкіметі арасындағы Қазақстан Республикасы Үкіметінің Грузия Үкіметіне берген мемлекеттік кредиттері бойынша Грузия Үкіметінің берешегін қайтадан қайта құрылымдау туралы келісімді ратификациялау туралы» Қазақстан Республикасы Заңының жобасы бойынша қорытынды әзірлеу жөнінде. Бұл мәселе бойынша сөз Қаржы және бюджет комитетінің төрайымы депутат Қаракұсова Гүлжан Жанпейісқызына беріледі.
ҚАРАҚҰСОВА Г.Ж. Құрметті Нұрлан Зайроллаұлы! Құрметті әріптестер! Аталған заң жобасы Қазақстан Республикасы Үкіметінің Грузия Үкіметіне берген мемлекеттік кредиттерін қайтадан қайта құрылымдау туралы келісімді ратификациялауды көздейді.
Қаржы және бюджет комитеті осы заң жобасы бойынша 2017 жылғы 27 желтоқсанға дейінгі мерзімде қорытынды әзірлеуге дайын. Қолдауларыңызды сұраймын.
ТӨРАҒА. Рақмет.
Қолдаймыз ғой?
ОРНЫНАН. Қолдаймыз.
ТӨРАҒА. Онда қаулының жобасы сіздерде бар, сол бойынша дауыс берулеріңізді сұраймын.
Нәтижесін экранға беріңіздер. Қаулы қабылданды.
