Кыргыз Республикасынын Саламаттык сактоо министрлиги менен Иран Ислам Республикасынын Саламаттык сактоо жана медициналык билим берүү министрлигинин ортосунда саламаттык сактоо, медицина, фармацевтика жана медициналык жабдуулар тармагындагы биргелешкен кызматташтык
жөнүндөгү өз ара түшүнүшүү жөнүндө
Меморандум
(Бишкек шаары, 2016-жылдын 23-декабры)
Кыргыз Республикасынын Саламаттык сактоо министрлиги жана Иран Ислам Республикасынын Саламаттык сактоо жана медициналык билим берүү министрлиги (мындан ары - «Тараптар» деп аталуучу),
достук мамиледеги эки өлкө ортосундагы саламаттык сактоо, медицина, фармацевтика жана медициналык буюмдар тармагындагы кызматташтык чыңдоо жана кеңейтүү ниетин билдирүү менен,
достук жана өз ара түшүнүшүү маанайында,
Тараптар үчүн жалпы, тең укуктагы жана өз ара пайданы баса белгилөө менен, төмөндөгүлөр тууралуу макулдашышты:
1-берене. Медициналык жана ооруканалык кызмат көрсөтүүлөр тармагындагы кызматташтык
1. Иран тарап Кыргыз Республикасына заманбап адистештирилген жеке менчик ооруканаларды куруу жана иштерди оң жолго коюу үчүн жеке сектордогу кызыктар болгон инвесторлорду ар тараптуу кубаттоого жана зарыл болгон колдоолорду көрсөтүүгө даяр экендигин билдирди.
2. Иран тарап саламаттык сактоо мекемелеринин ортосундагы эмгек Келишимдерин түзүү жолу аркылуу Кыргыз Республикасынын медициналык борборлоруна дарыгерлерди жана ортоңку медициналык кызматкерлерди жөнөтүүгө даяр экендигин билдирди.
3. Иран тарап Кыргыз Республикасынын медициналык борборлоруна медициналык адистер менен тар профилдеги адистердин тобун Тараптар макулдашкан шарттарда кыска мөөнөттүү иш сапарларга жөнөтүүгө даяр экендигин билдирди.
4. Иран тарап Кыргыз Республикасынан келген оорулууларды Тараптар макулдашкан шарттарда иран медициналык борборлоруна дарылоо үчүн кабыл алууга даяр экендигинин билдирди.
2-берене. Фармацевттик, медициналык жана лаборатордук жабдуулар чөйрөсүндөгү кызматташтык
Фармацевтика, медициналык жана лаборатордук жабдуулар тармагындагы кызматташтык төмөнкү жолдор аркылуу жүзөгө ашырылат:
1) тиешелүү өндүрүштүк практиканын стандарттарына ылайык (GMP-Good Manufacturing Practice) каттоо жана фармацевтикалык продуктылар сапатына сертификат берүү (англис тилинде) жөнүндө Жоболор менен алмашуу;
