Долбоор
КЫРГЫЗ РЕСПУБЛИКАСЫНЫН
МЫЙЗАМЫ
Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө («Кыргыз Республикасындагы табигый монополиялар жөнүндө» жана «Атаандаштык жөнүндө» Кыргыз Республикасынын мыйзамдарына)
Мыйзам долбоору КР Өкмөтүнүн 2016-жылдын 1-мартындагы № 95 токтому менен жактырылган жана КР Жогорку Кеңешинин кароосуна жиберилген
КР Жогорку Кеңешинин 2016-жылдын 21-апрелиндеги № 484-VI токтомуна ылайык биринчи окууда кабыл алынган
КР Жогорку Кеңешинин 2016-жылдын 2-июнундагы № 642-VI токтомуна ылайык экинчи окууда кабыл алынган
КР 2016-жылдын 15-июлундагы № 118 Мыйзамы менен кабыл алынган
1-берене. «Кыргыз Республикасындагы табигый монополиялар жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2011-ж, № 7, 1052-ст.) төмөнкүдөй өзгөртүүлөр киргизилсин:
- 41-берененин 2-бөлүгүнүн 2-пункту күчүн жоготту деп таанылсын;
- 12-берененин 2-бөлүгүнүн мамлекеттик тилдеги текстиндеги «пайданы» деген сөз «кирешени» деген сөз менен алмаштырылсын;
- 20-беренеде:
экинчи абзацындагы «Кыргыз Республикасынын мыйзамдарында тыюу салынбаган монополияга карты мыйзамдарды бузуудан жана башка түшүүлөрдөн сумманын 25 пайыз өлчөмүндөгү которуулардын эсебинен» деген сөздөр алып салынсын;
