«Жайлы мектеп» білім беру саласындағы пилоттық ұлттық жобасын бекіту туралы» Қазақстан Республикасы Үкіметінің 2022 жылғы 30 қарашадағы № 963 қаулысына өзгерістер мен толықтырулар енгізу туралы
Қазақстан Республикасы Үкіметінің 2023 жылғы 31 қазандағы № 957 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Жайлы мектеп» білім беру саласындағы пилоттық ұлттық жобасын бекіту туралы» Қазақстан Республикасы Үкіметінің 2022 жылғы 30 қарашадағы № 963 қаулысына мынадай өзгерістер мен толықтырулар енгізілсін:
1) 4-тармақ мынадай редакцияда жазылсын:
«4. Қазақстан Республикасының Өнеркәсіп және құрылыс министрлігі заңнамада белгіленген тәртіппен ұлттық жоба шеңберіндегі жобаларға ведомстводан тыс кешенді сараптаманы уақтылы жүргізуді қамтамасыз етсін.»;
2) көрсетілген қаулымен бекітілген «Жайлы мектеп» білім беру саласындағы пилоттық ұлттық жобасында:
мазмұнында:
бесінші жол мынадай редакцияда жазылсын:
«
| 1-міндет. 2026 жылға дейін қалаларда және ауылдық елді мекендерде оқушы орындарының ағымдағы және болжамды тапшылығын жабу үшін кемінде 740 мың (екі ауысымда оқыту) жаңа оқушы орнын пайдалануға беру | |
»;
мынадай мазмұндағы жиырмасыншы жолмен толықтырылсын:
«
| 8-1-қосымша. «Жайлы мектеп» білім беру саласындағы пилоттық ұлттық жобасы шеңберінде салынып жатқан орта білім беру ұйымдары объектілерінің елішілік құндылығы жөніндегі есеп | |
»;
«Паспорт» деген 1-бөлім мынадай редакцияда жазылсын:
«1-бөлім. Паспорт
| 1 | Атауы | «Жайлы мектеп» білім беру саласындағы пилоттық ұлттық жобасы (бұдан әрі - ұлттық жоба) |
| 2 | Ұлттық жобаны әзірлеу негіздемесі | Қазақстан Республикасының Президенті Қ.К. Тоқаевтың 2022 жылғы 1 қыркүйектегі «Әділетті мемлекет. Біртұтас ұлт. Берекелі қоғам» атты Қазақстан халқына Жолдауы |
| 3 | Ұлттық жобаның мақсаты | Орта білім беру ұйымдарында авариялық мектептерді, үш ауысымда оқытуды және оқушы орындарының тапшылығын жою |
| 4 | Іске асыру мерзімі | 2023 - 2025 жылдар |
