Телерадио хабарлары мен деректер берудiң ұлттық спутниктiк жүйесiнiң
мәселелерi Қазақстан Республикасы Үкіметінiң Қаулысы
1996 жылғы 4 қазан № 1234
Телерадио хабарлары мен деректер берудiң ұлттық спутниктiк жүйесiн енгiзудi жеделдету мақсатында Қазақстан Республикасының Үкіметі қаулы етедi:
1. Телерадио хабарлары мен деректер берудiң ұлттық спутниктiк жүйесiнiң (ТХ және ДБҰСЖ) бiрiншi кезегiнiң iске қосылу мерзiмi 1997 жылдың бiрiншi тоқсаны деп белгiленсiн.
2. Телерадио хабарлары мен деректер берудiң ұлттық спутниктiк жүйесiн құру мен пайдалану "Қазақстандық телекоммуникациялар" акционерлік қоғамына жүктелсiн.
3. Қазақстан Республикасының Көлiк және коммуникациялар министрлігі "Қазақстандық телекоммуникациялар" акционерлік қоғамына бiр апта мерзiмде телекоммуникация саласындағы мына қызметтерге: мемлекеттік және коммерциялық телерадио хабарларын тарату жөнiнде қызмет көрсетуге; телерадио хабарлары мен деректер берудiң ұлттық спутниктiк жүйесi құралдарымен деректер беру қызметiн көрсетуге байланысты бас лицензия берсiн.
4. Көлiк және коммуникациялар министрлігі Қазақстан Республикасы Баспасөз және бұқаралық ақпарат iстерi жөніндегі ұлттық агенттiгiнiң келісімi бойынша "Телерадио хабарлары мен деректер берудiң ұлттық спутниктiк жүйесi туралы" Қазақстан Республикасы Министрлер Кабинетінің 1995 жылғы 26 қыркүйектегi № 1284 қаулысына (Қазақстан Республикасының ПҮАЖ-ы, 1995 ж., № 31, 388-құжат) тиiстi өзгертулер мен толықтырулар енгiзсiн.
5. "Қазақстан Республикасы Министрлер Кабинетінің 1995 жылғы 26 қыркүйектегi № 1284 қаулысының жүзеге асыру барысы туралы" Қазақстан Республикасы Үкіметінiң 1996 жылғы 12 мамырдағы № 578 қаулысының күшi жойылған деп танылсын.
6. Қаулының орындалуына бақылау жасау Қазақстан Республикасы Премьер-Министрінің орынбасары И.Н.Тасмағамбетовке жүктелсiн.
Қазақстан Республикасының
Премьер-Министрi
