«Қазақстан Республикасының түстi металлургиясын дамыту мәселелерi»
Қазақстан Республикасы Үкіметінiң 1997 жылғы 4
сәуірдегі № 482 қаулысы
Жезқазған облысындағы Балқаш аймағының түстi металлургия кәсiпорындары жұмысының экологиялық қауiпсiздiгiн тұрақтандыру және оған жағдай жасау мақсатында Қазақстан Республикасының Үкіметі қаулы етедi:
1. Қазақстан Республикасының Экология және биоресурстар министрлігі:
«Samsung Deutshland GMBH» фирмасының басқарушысымен бiрлесiп ластаушы заттардың қоршаған табиғи ортаға тастауларын кәдеге жарату жөніндегі объектiлер кешенiнiң құрылысын салуды көздейтiн Балқаш таукен-металлургия комбинаты қызметiнiң экологиялық бағдарламасын әзiрлесiн және оны бекiтсiн;
табиғат қорғау объектiлерiн салу кезеңiне арнап онда комбинаттың өндiрiстiк қызметiнiң нәтижесiнде пайда болған ластаушы заттарды шығарып тастағаны, тастағаны және сақтағаны үшiн төлемдердiң мөлшерлерiн көздеп арнаулы табиғат қорғау ережелерiнде шарт әзiрлесiн және заңдарда белгiленген тәртiппен Балқаш таукен-металлургия комбинатымен шарт жасассын.
2. Қазақстан Республикасының Көлiк және коммуникациялар министрлігі:
белгiленген тәртiппен Балқаш таукен-металлургия комбинатының көлiк құралдарын өз минералдық шикiзаттарын тасымалдау үшiн республиканың темір жол жолдарында пайдалануға рұқсат етсiн;
"Қазақстан темір жолы" республикалық мемлекеттік кәсiпорнына комбинат үшiн қажеттi рудаларды тасымалдауды ұйымдастыру жөнiнде Балқаш таукен-металлургия комбинатымен бiрлескен қызмет туралы шарттар әзiрлеудi тапсырсын.
3. Осы қаулының орындалуына бақылау жасау Қазақстан Республикасы Премьер-Министрінің орынбасары Д.Т. Дүйсеновке жүктелсiн.
Қазақстан Республикасының
Премьер-Министрi
