Қазақстан Республикасындағы құқықтық реформа жөніндегі кеңес
туралы Қазақстан Республикасы Министрлер Кабинетінің қаулысы
26 мамыр 1994 ж. № 561
Қазақстан Республикасының Министрлер Кабинетi қаулы етедi:
1. Қазақстан Республикасындағы Құқықтық реформа жөніндегі кеңес мынадай құрамда құрылсын:
Кеңестiң төрағасы
Шәйкенов Н.А. - Қазақстан Республикасының Әдiлет министрi
Кеңестiң мүшелерi:
Әбiлқатаев М.К. - Қазақстан Республикасының Президентi мен
Министрлер Кабинетi Аппаратының Құқық қорғау
бөлiмi меңгерушiсiнiң орынбасары
Баймұрзин Ғ.И. - Әл-Фараби атындағы Қазақ мемлекеттік
ұлттық университетi заң факультетiнiң
қылмыстық құқық кафедрасы меңгерушiсiнiң
мiндетiн атқарушы
Бұлғақбаев Б.А. - Қазақстан Республикасының Президентi мен
Министрлер Кабинетi Аппаратының Заң шығару
бөлiмi меңгерушiсiнiң орынбасары
Дагаев Л.С. - Қазақстан Республикасының Ұлттық
қауiпсiздiк комитетi төрағасының орынбасары
Диденко А.Г. - Әл-Фараби атындағы Қазақ мемлекеттік
ұлттық университетi заң факультетiнiң
азаматтық құқық кафедрасының меңгерушiсi
Досекенов А.Ә. - Қазақстан Республикасының Президентi мен
Министрлер Кабинетi Аппаратының Заң бөлiмi
меңгерушiсiнiң орынбасары
Зорин Л.В. - Қазақстан Республикасының Жоғары Төрелiк
Соты төрағасының орынбасары (келiсуi
бойынша)
Қайдаров Р.Е. - Қазақстан Республикасы Iшкi iстер
министрiнiң орынбасары
Қалматаев М.Д. - Қазақстан Республикасы Жоғарғы Кеңесiнiң
Құқық реформасы, заңдылық және құқық
тәртібі жөніндегі комитетiнiң төрағасы
(келiсуi бойынша)
Нәрiкбаев М.С. - Қазақстан Республикасының Жоғарғы Соты
төрағасының бiрiншi орынбасары (келiсуi
бойынша)
Нұрпейiсов Е.К. - Қазақстан Республикасы Әдiлет
министрлігінiң Қазақ мемлекеттік заң
институтының директоры
Сүлейменов М.К. - Қазақстан Республикасы Ұлттық ғылым
академиясының Мемлекет және құқық
институтының директоры
Таранов А.А. - Қазақстан Республикасының Әдiлет
министрлігі жанындағы Заң шығару
жөніндегі ғылыми-зерттеу институтының
директоры
Өтебаев Ғ.К. - Қазақстан Республикасы Бас прокурорының
орынбасары (келiсуi бойынша)
Худяков А.И. - Әл-Фараби атындағы Қазақ мемлекеттік
ұлттық университетi заң факультетiнiң
әкiмшiлiк құқық кафедрасының меңгерушiсi
2. Қазақстан Республикасындағы Құқықтық реформа жөніндегі кеңес туралы Ереже (қоса берiлiп отыр) бекітілсiн.
Қазақстан Республикасының
Премьер-министрi
Қазақстан Республикасы
Министрлер Кабинетінің
1994 жылғы 26 мамырдағы
№ 561 қаулысымен
БЕКIТIЛГЕН
Қазақстан Республикасындағы Құқықтық
реформа жөніндегі кеңес туралы
ЕРЕЖЕ
I. Жалпы қағидалар
1. Қазақстан Республикасындағы Құқықтық реформа жөніндегі кеңес (бұдан әрi - Кеңес) ведомствоаралық үйлестiру органы болып табылады, оның мақсаты Қазақстан Республикасындағы құқықтық реформаның Мемлекеттік бағдарламасын жүзеге асыру болып табылады.
2. Кеңестiң құрамы Қазақстан Республикасы Министрлер Кабинетінің қаулысымен белгiленедi.
II. Мiндетi мен өкiлеттiлiгi
1. Кеңестiң негiзгi мiндеттерi:
қолданылып жүрген заңдарды ретке келтiру, оларды үйлесiмдiлiгi мен келісімдiлiгiн қамтамасыз ету жөнiнде ұсыныстар әзiрлеу;
неғұрлым маңызды заң актілерінiң тұжырымды үлгiлерiн жасау;
өз бастамасы бойынша, сондай-ақ Президенттiң, Жоғарғы Кеңестiң, Министрлер Кабинетінің, өзге де органдар мен мекемелердiң ұсынысы бойынша Қазақстан Республикасының аса маңызды заң актілерінiң жобаларын әзiрлеудi ұйымдастыру;
құқықтық реформаның негiзгi бағыттары бойынша мемлекеттік органдарға ұсыныстар әзiрлеу болып табылады.
2. Кеңес:
министрлiктерден, мемлекеттік комитеттерден, ведомстволардан заң шығарушылық қызметi мәселелерi жөніндегі қажеттi құжаттар мен материалдарды сұратып алуға;
заң актілерінiң жобаларын әзiрлеудiң және сараптама жүргiзудiң қажеттiлiгi жайында министрлiктерге, мемлекеттік комитеттер мен ведомстволарға ұсыныстар жасауға;
заң шығару және сарапшылық қызметiне ғалымдар мен мамандарды, соның iшiнде шетелдiктердi де тартуға, осы мақсатпен жұмыс және сараптау топтарын құруға;
Кеңестiң мәжілістерiнде назар аударылған мәселелер жөнiнде заң актілері жобаларының авторларын тыңдауға қақылы.
III. Жұмысты ұйымдастыру
1. Кеңестiң мәжілістерi қажетiне қарай, бiрақ тоқсан сайын кемiнде бiр рет өткiзiледi.
2. Кеңес мүшелерi оның мәжілістерiне басқа бiреумен ауыстыру құқығынсыз өздерi қатысады.
3. Кеңес шешiмдерi Кеңес мүшелерiнiң жалпы санының көпшiлiк дауысымен қабылданады және хаттамамен ресiмделедi.
Кеңес мүшелерiнiң ерекше пiкiр айтуға құқы бар, ол хаттамаға қосылады.
4. Кеңестiң қызметiн қамтамасыз ету Қазақстан Республикасының Әдiлет министрлігіне жүктеледi.
