Қазақстан Республикасы Үкіметінің 1999 жылғы 19 сәуірдегі № 431
қаулысына толықтырулар мен өзгеріс енгізу туралы Қазақстан
Республикасы Үкіметінің Қаулысы 1999 жылғы 18 тамыз № 1190
Қазақстан Республикасының Yкіметi қаулы етеді:
1. "Акцизделетiн тауарлардың жекелеген түрлерiн акциздiк алым таңбаларымен таңбалау туралы" Қазақстан Республикасы Үкіметінiң 1999 жылғы 19 сәуiрдегі № 431 қаулысына (Қазақстан Республикасының ПYАЖ-ы, 1999 ж., № 13, 130-құжат) мынадай толықтырулар мен өзгерiс енгiзiлсiн:
1) 3-тармақта:
2) тармақша "акцизделетiн тауарларды" деген сөздердiң алдынан "отандық өндiрiстегi" деген сөздермен толықтырылсын;
мынадай мазмұндағы 3) тармақшамен толықтырылсын:
"3) импорттық өндiрiстiң акцизделетiн тауарларын сақтау мен сатуды жүзеге асыратын заңды және жеке тұлғаларға - 1999 жылдың 15 желтоқсанынан бастап жүзеге асырылады деп белгiленсiн.";
2) 8-тармақ мынадай редакцияда жазылсын:
"8. Голографиялық жолағы бар акциздiк алым таңбаларымен таңбалауға жататын алкоголь өнiмдерiн өндiрушiлер мен импорттаушылар 1 және 2-қосымшаларға сәйкес тiзбе бойынша алкоголь өнiмдерiн түгендеудi:
1) өндiрушiлер - 1999 жылғы 1 шiлдеге;
2) импорттаушылар және/немесе импорттық өндiрiстiң алкоголь өнiмiн сақтауды және сатуды жүзеге асыратын тұлғалар 1999 жылғы 15 қазанға жүргізсiн.".
2. Осы қаулы қол қойылған күнiнен бастап күшiне енедi және жариялауға жатады.
Қазақстан Республикасының
Премьер-Министрі
