«Қазатомөнеркәсiп» Ұлттық атом компаниясын құру туралы Қазақстан
Республикасы Президентінің 1997 жылғы 14 шiлдедегі № 3593 Жарлығы
(2006.24.05. берілген толықтыруларымен)
Қазақстан Республикасының экономикалық дамуы үшiн уран өнеркәсiбiнiң стратегиялық мәнi мен әлемдiк уран рыногының жетекшi шебiне шығудың маңыздылығын ескере отырып, сондай-ақ уранды барлау, өндiру, өңдеу және өткізу, атом энергия станциялары үшiн ядролық отын өндiру мәселелерiнде мемлекет мүдделерiн қорғау мақсатында қаулы етемiн:
ҚР Президентінің 2006.24.05. № 122 Жарлығымен 1-тармақ толықтырылды
1. Қазақстан Республикасының Үкіметі:
бiр ай мерзiмде заңдарда белгiленген тәртiппен "Қазатомөнеркәсiп" ашық акционерлік қоғамын мемлекеттiң жүз проценттiк үлесi бар жабық акционерлік қоғам нысанындағы "Қазатомөнеркәсiп" Ұлттық атом компаниясы (бұдан былай - Компания) етiп қайта құруды қамтамасыз етсiн;
Компанияның жарғылық қорына акционерлік қоғамдардың акцияларының мемлекеттік пакеттерiн, өзге де шаруашылық серiктестiктеріндегі мемлекет пакеттерiн, өзге де шаруашылық серiктестiктеріндегі мемлекет үлестерiн, сондай-ақ уран мен оның қоспаларын барлаумен, өндiрумен, өңдеумен, атом энергия станциялары үшiн ядролық отын шығарумен айналысатын мемлекеттік кәсiпорындардың мүлiктiк кешендерiн беретiн болсын;
Компания активтерiнiң тiзбесi мен құрылымын қалыптастырсын;
