Этиль спирті мен алкогольді өнімдердің өндірісі мен айналысын
мағлұмдаудың тәртібі Қазақстан Республикасының Энергетика,
индустрия және сауда министрлігінің Алкогольді өнімдердің өндірісі
мен айналысына бақылау жасау жөніндегі Комитеті Төрағасының
1998 жылғы 30 маусымдағы № 9 бұйрығымен бекітілген
ҚР Қаржы Министрлігі Салық комитеті төрағасының 2007 жылғы 31 мамырдағы № 363 бұйрығымен күші жойылды
1. Осы Тәртіп Қазақстан Республикасының аумағында этиль спирті мен алкогольді өнімдердің өндірісі мен айналысын мағлұмдаудың тәртібін айқындайды және реттейді.
2. Этиль спирті мен алкогольді өнімдер өндірісі мен айналысының мағлұмдамасында мыналар көрсетіледі:
Этиль спиртін өндірушілер (№ 1 қосымша)
I. Этиль спирті өндірісі мен айналысының балансында:
- Кәсіпорынның, ұйымның атауы және мекен-жәйі;
- спирт өндіру құқығына берілген лицензияның сериясы мен нөмірі, оның алынған уақыты, әрекет мерзімі;
- МЕМСТ, ТЖ, ҚР СТ бойынша этиль спиртінің сорты;
- есепті жылдың басындағы этиль спиртінің көлемі;
- есепті жылы өндірілген этиль спиртінің көлемі;
- басқа берермендерден, оның ішінде импорт бойынша алынған этиль спиртінің көлемі;
- жөнелтілген, оның ішінде экспортқа жіберілген этиль спиртінің көлемі;
- алкогольді өнімдерді өзі өндіруге жұмсалған этиль спиртінің көлемі;
- есепті жылдың аяғындағы этиль спиртінің қалдығы.
Алкогольді өнімдерді өзі өндіру үшін этиль спиртін пайдаланатын, этиль спиртін өндіруші кәсіпорындар алкогольді өнімдердің өндірісі мен айналысы мағлұмдамасының екінші бөлігінде толтырады (№ 2 қосымша).
II. Этиль спиртін жөнелту туралы мәліметтер:
- алушылардың деректемесі, іс-әрекетінің түрлері;
- алкогольді өнімдерді өндіру, этиль спиртін сақтау және көтерме саудамен өткізу, медициналық дәрі-дәрмек өндіру және қызмет көрсету құқығына берілген лицензияның сериясы мен нөмірі, оның алынған уақыты, әрекет мерзімі;
- МЕМСТ, ТЖ, ҚР СТ бойынша жөнелтілген этиль спиртінің сорты;
