Сирек кездесетiн және жойылып кету қаупі бар жануарлардың жекелеген
түрлерiн сақтап қалу және өсiмiн молайту жөніндегі кейбір
шаралар туралы Қазақстан Республикасы Үкіметінің қаулысы
2000 жылғы 25 қыркүйек № 1447
"Жануарлар дүниесiн қорғау, молайту және пайдалану туралы" Қазақстан Республикасының 1993 жылғы 21 қазандағы Заңына сәйкес, сондай-ақ Қызыл Кiтапқа енгiзiлген сирек кездесетiн және жойылып кету қаупi бар жануарлардың жекелеген түрлерiн сақтап қалу және өсiмiн молайту мақсатында Қазақстан Республикасының Үкіметі қаулы етеді:
1. Шейх Ахмет Бин Сәлiм Лкасмидiң (Бiрiккен Араб Әмiрлiктерi) Шығыс Қазақстан облысында ителгiлер мен дуадақтарды қолда өсiрiп-молайту және кейiн табиғат аясына жiберу жөніндегі екi питомниктi өз қаражаты есебiнен салу туралы бастамасы назарға алынсын.
2. Осы құстардың бастапқы мекиен тобын жасау мақсатында Шейх Ахмет Бин Сәлiм Лкасмидiң (Бiрiккен Араб Әмiрлiктерi) Шығыс Қазақстан облысында кейiн оларды Шығыс Қазақстан облысындағы питомниктерге орналастыратын болып, Қазақстан Республикасынан тысқары әкету құқығынсыз 2000 жылғы 1 қыркүйек - 31 қазан кезеңiнде үш ителгi мен бес дуадақ аулауына рұқсат етiлсiн.
3. Қазақстан Республикасының Бiлiм және ғылым министрлігі ителгiлер мен дуадақтарды балапандатып, қолда өсiрiп-молайту және кейiн табиғат аясына жiберу жөніндегі ұзақ мерзiмдi бағдарламаны әзiрлесiн және оны бекітуге Қазақстан Республикасының Табиғи ресурстар және қоршаған ортаны қорғау министрлігіне ұсынсын.
4. Қазақстан Республикасының Табиғи ресурстар және қоршаған ортаны қорғау министрлігі "Қазақстан Республикасында Жануарлар дүниесiнiң жекелеген түрлерiн ерекше жағдайларда пайдалану тәртібі жөніндегі ереженi бекіту туралы" Қазақстан Республикасы Үкіметінiң 2000 жылғы 28 маусымдағы № 969 қаулысында белгiленген тәртiппен ителгiлер мен дуадақтарды табиғаттан аулап алуды қамтамасыз етсiн.
5. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
