Қазақстан Республикасының азаматтық хал-актілерді жазу органының
қызметкерлерін аттестациялау туралы Ережесін және Орталық аттестациялық
комиссия жөніндегі Ережені бекіту туралы (ҚР Әдiлет Министрлігінiң 1998
жылғы 9 сәуiрдегі № 280 бұйрығымен бекітілдi)
ҚР Әділет министрінің 2004 жылғы 4 қарашадағы № 325 бұйрығымен күші жойылды
Қазақстан Республикасы Президентінің атқарушы өкімет органдарының және олардың ведомствоға қарасты кәсіпорындар мен мекемелердің мамандары мен басқарушы кадрларын құқықтық аттестациялау туралы 1995 жылғы 21 маусымдағы № 2347 қаулысымен бекітілген Ережесін басшылыққа ала отырып,
Бұйырамын:
азаматтық хал-актілерді жазу органдарының қызметкерлерін аттестациялау туралы және Орталық аттестациялық комиссия туралы ұсынылған Ережелер бекітілсін.
Министр
Орталық аттестациялау комиссия туралы
Ереже
1. Орталық аттестациялық комиссия (бұдан әрi - Орталық комиссия) аймақтық аттестациялық комиссиялардың шешiмдерiне жасалған шағымдарды қарау, аттестация басталған күннен бастап, бiр жыл iшiнде дәлелдi себептермен аймақтық аттестациялық комиссияға екi рет келмеген аймақтық аттестациялық комиссияға келмеуiнiң дәлелдi себептерiн растайтын құжаттарымен аттестацияланушының жазбаша өтiнiшi негiзiнде азаматтық хал-актiлердi жазу органдарының қызметкерлерiн аттестациядан өткізу, сонымен қатар азаматтық хал-актiлердi жазу органдары қызметкерлерiн аттестациядан өткізу үшiн аттестациядан өткiзiлетiн түрлi топтарға арналған сұрақтар Тiзiлiмiн бекіту үшiн құрылады.
2. Орталық комиссияны Қазақстан Республикасының Әдiлет Министрi құрады, оның құрамына азаматтық хал-актiлердi жазу органдарының тәжiрибелi қызметкерлерi, әдiлет органдары жүйесiнiң жоғары біліктi мамандары, сонымен қатар ғалым-заңгер кiредi.
3. Орталық комиссия қызметiне басшылық жасауды Қазақстан Республикасының Әдiлет Министрi жүзеге асырады.
