Сақтандыру және қайта сақтандыру ұйымдарының сақтандыру резервтерін қалыптастыру тәртібі және мөлшері туралы Қазақстан Республикасының Ұлттық Банкі Басқармасының 1999 жылғы 25 желтоқсандағы № 442 қаулы (күші жойылды)

Сақтандыру және қайта сақтандыру ұйымдарының сақтандыру резервтерін
қалыптастыру тәртібі және мөлшері туралы Қазақстан Республикасының
Ұлттық Банкі Басқармасының 1999 жылғы 25 желтоқсандағы № 442 қаулы

ҚР Ұлттық Банкі Басқармасының 2002 ж. 3 маусымдағы № 211 қаулысымен күші жойылады

Қазақстан Республикасы Президентінің "Сақтандыру туралы" Заң күші бар Жарлығының 37-бабының 3-тармағына сәйкес Қазақстан Республикасы Ұлттық Банкінің Басқармасы Қаулы етеді:

1. Қазақстан Республикасының сақтандыру және қайта сақтандыру ұйымдары үшін (бұдан әрі - сақтандыру ұйымдары) сақтандыру резервтеріне аударудың мынадай нормативтері белгіленсін:

1) сақтандырудың өмірді сақтандырудан басқа, ерікті түрлері бойынша - сақтандыру төлемдерінің нақты түскен сомасының 75 процентінен кем емес;

2) тарифтері заңмен белгіленген сақтандырудың өмірді сақтандырудан басқа міндетті түрлері бойынша - міндетті сақтандырудың осы түріне заңда белгіленген сақтандыру төлемдері сомасының 75 процентінен кем емес;