ҚР Көлік және коммуникациялар министрінің 2011 жылғы 5 мамырдағы № 253 бұйрығымен күші жойылды
Қазақстан Республикасы
Көлік және коммуникациялар
министрінің
2000 жылғы 9 қазан № 409-1
бұйрығымен
БЕКІТІЛГЕН
Қазақстан Республикасының әуежайларындағы аса маңызды
тұлғаларға арналған залдарда (VIP) жолаушылар мен ресми
делегацияларға қызмет көрсету мен жұмысты ұйымдастыру
ережелерi
1. Осы ереже Қазақстан Республикасының әуежайларындағы аса маңызды тұлғаларға арналған залдарда (VIP) жолаушылар мен ресми делегацияларға қызмет көрсету жұмысты ұйымдастырудың негiзгi шарттарын белгiлейдi.
2. Ресмилiктi оңайлату мақсатында VIP жолаушыларына арналған күту залдары бақыланатын аймақ шегiнде орналасуы тиiс.
3. VIP залдарда Қазақстан Республикасының Президент Әкiмшiлiгi, Президент iстерi басқармасы, Премьер-Министрдiң кеңсесi, Сыртқы iстер министрлігі (Мемлекеттік хаттама қызметi мен Дипломатиялық корпуспен жұмыс iстеу департаментi), Қазақстан Республикасы Көлiк және коммуникациялар министрлігінiң Азаматтық авиация комитетi басшыларының алдын ала тапсырыстары бойынша тұлғаларға қызмет көрсетiлуi мүмкiн.
4. Егер делегация басшысы:
Мемлекет басшысы,
Үкiмет басшысы,
Парламент, Сенат басшылары,
Мәртебесi бойынша Үкiмет басшыларына теңдес
халықаралық ұйымдар басшылары,
Сыртқы iстер министрлерi,
Мемлекет басшысының арнайы елшiлерi,
Қазақстан Республикасы мемлекет басшысының шақыруы бойынша Қазақстан Республикасы Президентінің жеке қонақтары,
Сенім грамоталарын тапсыруға келетiн елшiлер болған жағдайларда қарсы алу мен шығарып салулар әуе кемесiнiң тарапынша жүзеге асырылады. Сонымен қатар Сыртқы iстер министрлігінiң Мемлекеттік хаттама басқармасының қызметкерлерi VIP залдың қызметкерлерiмен бiрге меймандарды әуе кемесiнің трабында қарсы алады.
